საფრანგეთში დელფინების დაჭერასა და დახურულ სივრცეში გამომწყვდევას შეზღუდავენ. გადაწყვეტილება ამის შესახებ ქვეყნის გარემოს დაცვის მინისტრმა სეგოლენ რუაიალიმ მიიღო. იგივე შეზღუდვა ცელნამგალა ვეშაპსაც შეეხება.

ახალი დადგენილების თანახმად, დელფინარიუმებში ადამიანსა და დელფინს შორის უშუალო კონტაქტიც აიკრძალა.

სამინისტროს განმარტებით, რუაიალიმ კანონის გამკაცრება მას შემდეგ გადაწყვიტა, რაც გაიგო, რომ დელფინარიუმში გამომწყვდეული ძუძუმწოვრების დასამშვიდებლად სედატიურ საშუალებებს იყენებენ.

გარემოს დამცველი ორგანიზაციები მინისტრის გადაწყვეტილებას მიესალმნენ და განაცხადეს, რომ ეს ისტორიული გარღვევაა საფრანგეთისთის.

კანონის ძირითადი მოწინააღმდეგეები დელფინარიუმების მფლობელები არიან. მათი განმარტებით, ახალი კანონი დიდ ფინანსურ ზარალს მოუტანს მათ საქმიანობას. ერთ-ერთი უმსხვილესი დელფინარიუმის მფლობელმა კი განაცხადა, რომ გრძელვადიან პერსპექტივაში კანონი მსგავსი დაწესებულებების დახურვას გამოიწვევს.