სასარგებლოა თუ არა თხილი? დიახ, თხილი ორგანიზმისთვის სასარგებლოა, ვინაიდან იგი შეიცავს დიდი რაოდენობით მკვებავ ელემენტებს. თხილი ასევე მდიდარია პოლიგაუჯერებელი და მონოგაუჯერებელი ცხიმით, რაც ორგანიზმისთვის სასარგებლო ცხიმებია, ვინაიდან ისინი ებრძვიან "ცუდ" ქოლესტერინს ორგანიზმში, ასევე თხილი ფიტოსტეროლის კარგი წყაროა, რაც სისხლში ქოლესტერინის დონეს ამცირებს.

თხილი შეიცავს ვიტამინებს, მინერალებს, ცილებს.

თუმცა, თხილზე უფრო სასარგებლოა კაკალი, ვინაიდან თხილთან შედარებით, კაკალი უფრო მეტი რაოდენობით შეიცავს ომეგა 3-ს, რაც კანის სიჯანსაღისთვის არის საუკეთესო საშუალება. კაკალი ასევე მდიდარია ანტიოქსიდანტებით, რომლებიც ორგანიზმს მავნე ნივთიერებებისგან წმენდს.

თუმცა, იმის გამო, რომ კაკალი დიდი რაოდენობით ცხიმს შეიცავს, იგი საკმაოდ კალორიულიცაა. მაგრამ მისი ცხიმი ცილებთან ერთად სისხლში შაქრის დონის ზრდას ხელს უშლის.

ამასთან, კვლევები აჩვენებს, რომ თხილი და კაკალი ხელს უწყობს მადის კონტროლს, რაც წონაში მატებას თავიდან აგარიდებთ.

ასევე მკვლევარები აცხადებენ, რომ ყოველდღე თხილის ან ნიგოზის ჭამა სიცოცხლეს ახანგრძლივებს. 2016 წელს ჩატარებულმა 29 კვლევის ანალიზმა აჩვენა, რომ ყოველდღე 20 გრამი თხილის ჭამა გულის დაავადებების რისკს 30 პროცენტით ამცირებს, ასევე ამცირებს სიმსივნის რისკს 15 პროცენტით და ადრეულ ასაკში სიკვდილის რისკს 22 პროცენტით.

კიდევ ერთმა კვლევამ კი ცხადყო, რომ ყოველდღე თხილის ჭამა დიაბეტის პრევენციასაც უწყობს ხელს.

მომზადებულია CNN-ის მიხედვით