საკვების მარტოობაში ჭამა ადამიანებს, განსაკუთრებით კი მამაკაცებს, მეტაბოლური სინდრომის განვითარებით ემუქრება. აღნიშნულ დასკვნამდე სამხრეთ კორეის უნივერსიტეტის დონგკუკის მეცნიერები მივიდნენ. კვლევა ჟურნალ Obesity Research & Clinical Practice-ში გამოქვეყნდა.

მეტაბოლური სინდრომი ჰორმონალური და კლინიკური დარღვევების მთელი კომპლექსია, რომელსაც, თავის მხრივ, გულ-სისხლძარღვთა დაავადებების გამოწვევა შეუძლია.

მეტაბოლური სინდრომისთვის დამახასიათებელია ვისცერული ცხიმის მატება, პერიფერიული ქსოვილების მგრძნობიარობის შემცირება ინსულინის მიმართ.

კვლევაში მონაწილეობა 7725-მა ახალაგაზრდა კორეელმა მიიღო. ყველა მათგანმა პირველ რიგში უპასუხა კითხვას, რამდენად ხშირად ჭამს მარტოობაში.

ქალების შემთხვევაში, მათ, ვინც საკვებს, ხშირ შემთხვევაში, მარტოობაში იღებდნენ, მეტაბოლური სინდრომი 29%-ით ხშირად უვითარდებათ ვიდრე, მათ, ვინც სხვა ადამიანებთან ერთად ჭამდნენ. მამაკაცების შემთხვევაში, აღნიშნული სხვაობა 64%-ს შეადგენს. გარდა ამისა, მარტოხელა მამაკაცები 45%-ით მეტად იდგნენ ჭარბწონიანობის საფრთხის წინაშე.

მკვლევარებმა დაასკვნეს, რომ, სავარაუდოდ, მარტოხელა მამაკაცები უფრო ხშირად აჩერებენ საკუთარ ყურადღებას არაჯანსაღ საკვებზე. თუმცა სხვა კვლევების გაანალიზების შედეგად, რომლებიც სწავლობდნენ მარტოობის გავლენას ადამიანის ფიზიკურ და ფსიქოლოგიურ მდგომარეობაზე, დაასკვნეს, რომ მეტაბოლური სინდრომის ჩამოყალიბებაზე თავად მარტოობაც მოქმედებს და არა მხოლოდ კვების რაციონი.

გარდა ამისა, მეცნიერებმა განმარტეს, რომ მარტოობა და სოციალური იზოლაცია, ჯანმრთელობაზე უარყოფითად აისახება და უარეს შემთხვევაში ნაადრევი სიკვდილით სრულდება.