ცხოვრების ჯანსაღ წესს ხშირად საკმარისი მოტივაციის არქონის გამო უგულებელვყოფთ. ზოგიერთი ადამიანი საკუთარ თავში ძალას თვითონ პოულობს, სხვებს კი გარედან რაღაც იმპულსი სჭირდებათ. სწორედ დაჯილდოვების სისტემის შექნით კომპანიებმა Nike-მ და Apple-მა გადაწყვიტეს მომხმარებელი მიეზიდათ და დაერწმუნებინათ ისინი არამხოლოდ მიჰყოლოდნენ ცხოვრების ჯანსაღ წესს, არამედ ამისთვის საჩუქრები და სხვა მნიშვნელოვანი ბონუსებიც მიეღოთ.

რამდენიმე დღის წინ, სირბილისთვის გათვალიწინებულ აპლიკაციაში Nike Run Club და დამოუკიდებელი ვარჯიშის აპლიკაციაში Nike Training Club ახალი პროგრამა ჩაეშვა, რომელიც აქტიურ მომხმარებელს დააჯილდოვებს. მომხმარებლები, რომლებიც თებერვლის განმავლობაში ზემოჩამოთვლილი აპლიკაციების პროგრამების მიხედვით ივარჯიშებენ, თვის ბოლოს სპორტული აქტივობსთვის ჯილდოს მიღებას შეძლებენ.

ჯილდოს სახით გამარჯვებული Nike-ის ფირმის სპორტულ ტანსაცმელსა და ფეხსაცმელზე მნიშვნელოვან ფასდაკლებას მიიღებს, გარდა ამისა, მას თავად ამ აპლიკაციაში ვარჯიშის ექსკლუზიურ პროგრამასთან ექნება წვდომა. დამატებითი ბონუსები იმოქმედებს App Store-ის მაღაზიებშიც, თითქმის ყველა მონაწილე კი მიიღეს Apple Music-ის სპეციალურ მამოტივირებელ მუსიკას უფასოდ.

აღსანიშნავია, რომ Apple იშვიათად შედის კოლაბორაციაში სხვა კომპანიებთან, თუმცა Nike-ის შემთხვევა ოდნავ განსხვავებულია, რადგან აღნიშნული კომპანიები უკვე დიდი ხნის განმავლობაში თანამშრომლობენ, მათ შორის საათების სპეციალური ვერსიის Apple Watch-ის წარმოების საკითხშიც.