6 ყველაზე საშიში კლუბური ნარკოტიკი | Allnews.Ge

საქართველოში, ისევე როგორც მსოფლიოში ე.წ კლუბური ნარკოტიკი საკმაოდ პოპულარულია ახალგაზრდებში. საინტერესოა, რომლებია ყველაზე საშიში ე.წ კლუბური ნარკოტიკები და რისი გამოწვევა შეუძლიათ მათ?

მედიკოსების თქმით, ზოგიერთ კლუბურ ნარკოტიკზე, შესაძლოა, ძლიერი დამოკიდებულება გაჩნდეს, რაც ფატალური შედეგის გამომწვევია.

მსგავსი ნარკოტიკების ჩამონათვალი ასეთია:

ICE/აისი (ქართულად "ყინული")

ეს კლუბური ნარკოტიკი, რომელსაც შეუძლია, ადამიანს სერიოზული ზიანი მიაყენოს, საბედნიეროდ ძალიან გავრცელებული არ არის. აღნიშნული ნარკოტიკი ცნობილი ნარკოტიკული საშუალების, "მეტამფეტამინისგან" მომდინარეობს. ნარკოტიკული საშუალების მოხმარების შემდეგ ის კოკაინის მიღების შთაბეჭდილებას ქმნის და მას შეუძლია გამოიწვიოს ფსიქიკური აშლილობა, უძილობა, აგრესიული ქცევა, ფსიქოზი, დაბნეულობა.

"აისის" შემთხვევაში ყველაზე სახიფათო არის ის, რომ მისი მოქმედება შეიძლება 10 საათი და მეტი დრო გაგრძელდეს, ეს კი იმდენი დროა, რა პერიოდშიც მისმა მომხმარებლებმა შეიძლება გაუცნობიერებლად საშიში ნაბიჯები გადადგას და დოზის გადაჭარბების შედეგად მათ სიცოცხლეს საფრთხე დაემუქროს.

ექსტაზი

ეს კარგად ცნობილი კლუბური ნარკოტიკი ძალიან ბევრ ახალგაზრდას გაუსინჯავს. ექსტაზი ასევე ცნობილია სახელით MDMA, რომელსაც ჰალუცინაციების გამოწვევა შეუძლია. ნარკოტიკის ეფექტი 3-დან 6 საათამდე გრძელდება, მან ამ პერიოდის განმავლობაში შეიძლება გამოიწვიოს დეჰიდრატაცია, სისხლის მიმოქცევის დარღვევა და ასევე მაღალია გულის შეტევის რისკი.

აღნიშნული ნარკოტიკის მუდმივმა მოხმარებამ შეიძლება ტვინის დაზიანება, მეხსიერების პრობლემები, დეპრესია, პარანოიდული ფიქრები, შფოთვა და სხვა პრობლემები გამოიწვიოს.

Ketamine/კეტამინი

ბევრმა არ იცის, რომ აღნიშნული ნარკოტიკი ვეტერინარული მედიკამენტის ერთ-ერთი სახეობაა, რომელსაც ხშირად ვეტერინარული კლინიკებიდან იპარავენ. ცნობილია, რომ მას დამამშვიდებელი ეფექტი აქვს.

მკვლევარებს ჯერ არ დაუზუსტებიათ, კეტამინის ხშირმა მოხმარებამ ზუსტად რა პრობლემები შეიძლება გამოიწვიოს, თუმცა, ცნობილია, რომ მის დიდ დოზას ამნეზიის გამოწვევა შეუძლია.

კეტამინზე დამოკიდებული ადამიანი ძალიან მარტივად ხდება და მისთვის თავის დანებება ძალიან რთული, მტკივნეული და ხანგრძლივი პროცესია.

გარდა ამისა, კეტამინს შეუძლია, ტვინს სერიოზული დაზიანებები გამოიწვიოს.

GHB/ჯიეიჩბი

GHB კიდევ ერთი ე.წ კლუბური ნარკოტიკია, რომელიც გულის ცემასა და სუნთქვას ანელებს. ნარკოტიკს შეუძლია, ადამიანი ფატალურ შედეგამდე მიიყვანოს. მისი მოქმედება დაახლოებით 4 საათის განმავლობაში გრძელდება და ხშირად ადამიანებში ეიფორიის მსგავს განცდას იწვევს.

Amyl Nitrate

ეს ნარკოტიკი იწვევს კუნთების მოდუნებას, იგი ასევე იწვევს ტაქიკარდიას, თავბრუსხვევას, კანის დაზიანებას, სინუსიტს და ალერგიულ რეაქციას.

LSD

ისეთი ჰალუცინოგენები, როგორიც LSD-ია, კლუბში ძალიან გავრცელებულია, რადგან ზრდის მუსიკისა და ფერების აღქმას. ადამიანები, რომლებში კლუბში გართობისას ამ ნარკოტიკს იღებენ, განმარტავენ, რომ ის მათ მუსიკის აღქმასა და ცეკვაში ეხმარებათ.