რა გავლენას ახდენს სოციალურ მედიაზე დამოკიდებულება ადამიანზე? როგორც ამერიკელი მკვლევარები ამბობენ, სოციალური მედიით შეპყრობილები ბედნიერები არ არიან. ვახშმის ამსახველი ფოტოს "ინსტაგრამზე" განთავსება, სინამდვილეში ვახშმით სიამოვნების მიღებაში ხელს გიშლით. ჯოზეფ გრენისა და დევიდ მაქსფილდის მიერ ჩატარებული კვლევის მიხედვით, სოციალურ მედიაზე დამოკიდებულება უბედურების შეგრძნებასთან მჭირდოდ არის კორელაციაში.

კვლევაში მონაწილე 1623-ზე მეტმა რესპოდენტმა განაცხადა, რომ საუკეთესო ფოტოების სოციალურ ქსელში განთავსება მათთვის ხელისშემშლელი ფაქტორი იყო, მიეღოთ სიამოვნება თავიანთი გარემოცვიდან.

ბევრი ადამიანი იმისათვის, რომ სოციალურ ქსელში ახალი ფოტო განათავსოს, რათა შემდეგ ინტერნეტ მეგობრების გამოხმაურება და მოწონება დაიმსახუროს, იმ სიტუაციას, სადაც იმყოფება, ფაქტობრივად ეთიშება. კვლევის დროს ბევრმა რესპოდენტმა აღნიშნა, რომ მათ იმისათვის, რომ სოციალურ მედიაში ახალი ფოტო დაედოთ, თავიანთი უსაფრთხოება საფრთხის ქვეშაც კი დაუყენებიათ. კვლევაში მონაწილე 4-დან 3-მმა ადამიანმა კი აღიარა, რომ მეგობრების და ახლობლების გარემოცვაში უყურადღებობა და უხეშობა გამოუვლენია, რათა ტელეფონს არ მოსწყვეტოდა.

რა არის გამოსავალი? მკვლევარები გვირჩევენ, რომ 10 ფოტოს ნაცვლად, გადავიღოთ 1 და გაფილტვრის და გალამაზების გარეშე განვათავსოთ სოციალურ ქსელში. პერიოდულად კი მოვაწყვოთ "ტექნოლოგიებისგან თავისუფალი" დღე, როდესაც ინტერნეტში არც ერთ ფოტოს არ განვათავსებთ და არც ერთ სტატუსს არ დავწერთ.