ხანგრძლივი დროის განმავლობაში ისეთ ადგილებში გაჩერება, რომელიც ჰაერის დაბინძურებით გამოირჩევა, ტვინის კოგნიტურ შესაძლებლობებზე უარყოფითად აისახება - ნათქვამია ჩინელი და ამერიკელი მეცნიერების ერთობლივ კვლევაში. კვლევის ავტორები მიიჩნევენ, რომ კოგნიტურ შესაძლებლობებზე ატმოსფეროს დაბინძურების უარყოფითი გავლენა ასაკის მატებასთან ერთად იმატებს, განსაკუთრებით მოქმედებს მამაკაცებსა და ადამიანებზე, რომლებსაც არც თუ ისე მაღალი განათლების დონე აქვთ.

ამერიკელი და ჩინელი მეცნიერების ექსპერიმენტის მსვლელობისას, ჩინეთის 20 ათასი მაცხოვრებელი, რომლებიც ცდაში იღებდნენ მონაწილეობას, 4 წლის განმავლობაში რეგულარულად აბარებდნენ გამოცდას მათემატიკასა და ენებში.

მკვლევარები დარწმუნებულები არიან, რომ აღნიშნული კვლევის შედეგების განზოგადება დედამიწის მოსახლეობის უმეტესობაზე შეიძლება, რადგან ჩვენი პლანეტის მოსახლეობის 80% ჰაერის კრიტიკული დაბინძურების არეალში ცხოვრობს.

კვლევის მიმდინარეობისას მეცნიერები ზომავდნენ გოგირდის, აზოტისა და ჰაერში არსებული მიკრონაწილაკების დონეს იმ ტერიტორიაზე, სადაც ცდიუსპირები ცხოვრობდნენ. ამ სამი დამაბინძურებლიდან რომელი მათგანი რამდენად მოქმედებს კოგნიტური უნარების დარღვევაზე, მეცნიერებს ჯერ არ დაუდგენიათ.

ჯანდაცვის მსოფლიო ორგანიზაციის სტატისტიკის თანახმად, დაავადებების გამო, რომლებიც ჰაერის დაბინძურებით არის გამოწვეული, ყოველწლიურად მსოფლიოში ნაადრევად, დაახლოებით, 7 მილიონი ადამიანი იღუპება.

გარდა ამისა, მეცნიერები ხშირად საუბრობენ, რომ დაბინძურებული ჰაერი ისეთი დაავადების გაჩენის რისკს ზრდის, როგორიც ალცჰაიმერია.

ალცჰაიმერით დაავადებულთა რაოდენობა საქართველოში იზრდება - რა სიმპტომები აქვს დაავადებას?

"დაბინძურებული ატმოსფეროს პირობებში ხანგრძლივი დროით გაჩერება ადამიანის განვითარებას ერთი წლით აფერხებს, რაც ძალიან ბევრია"- ამბობს კვლევის ერთ-ერთი თანაავტორი სი ჩენი.

ჰაერის დაბინძურება: სტატისტიკური მონაცემები

• მთელს მსოფლიოში ყოველწლიურად, დაახლოებით, 7 მილიონი ადამიანი ჰაერის დაბინძურებით გამოწვეული დაავადების შედეგად კვდება
• დედამიწის მოსახლეობის 91% ცხოვრობს პირობებში, სადაც ჰაერი ჯანდაცვის მსოფლიო ორგანიზაციის სტანდარტების მიხედვით, დაბინძურებულია.
• მსოფლიოში 20 ყველაზე დაბინძურენძურებული ქალაქიდან 14 ინდოეთში მდებარეობს.
• ჩვენი პლანეტის 10-დან ყოველი 9 მოსახლე დაბინძურებულ ჰაერს სუნთქავს.

მომზადებულია BBC-ის მიხედვით