მასაო და მიაკო მატსუმოტო უკვე 80 წელია დაქორწინებულები არიან. მიმდინარე წლის ივლისში იაპონელი წყვილი გინესის რეკორდების წიგნში შეიყვანეს, როგორც მსოფლიოში ყველაზე ხანგრძლივი საქორწინო ურთიერთობის მქონე ადამიანები.

მასაო 108 წლისაა, მიაკო კი 100 წლის. ისინი ჯერ კიდევ 1937 წელს დაქორწინდნენ და მას შემდეგ ერთად არიან, თუმცა მაშინ ფული არ ჰქონდათ, რომ ქორწილი გადაეხადათ.

ქორწინებიდან რამდენიმე წლის შემდეგ მასაო ჯარში წავიდა, მეორე მსოფლიო ომს გაუძლო და სახლში დაბრუნება შეძლო.

წყვილს 5 ქალიშვილი,13 შვილიშვილი და 25 შვილთაშვილი ჰყავს.

მიაკო დარწმუნებულია, რომ ხანგრძლივი ურთიერთობის საიდუმლო მოთმინებასა და გამძლეობაშია.

"ჩვენ იმიტომ ვართ ამდენ ხანს ერთად, რომ მე ყოველთვის გამოვირჩეოდი მოთმინებით"- აღნიშნა მიაკომ BBC-სთან საუბარში.