ჰუმანური პედაგოგიკის ფუძემდებელმა, ცნობილმა პედაგოგმა და ფსიქოლოგმა შალვა ამონაშვილმა მშობლებთან თანამედროვე ბავშვების ბუნებასა და მოთხოვნილებებზე ისაუბრა.

"დღევანდელი ბავშვები თავად ისწრაფვიან ცოდნისკენ. ისინი ვერ იტანენ უხეშობას, მბრძანებლობას. ჩვენს თაობას არ აღიზიანებდა ეს, არ გვწყინდა, რომ გვეჩხუბებოდნენ. ეს ჩვეულებრივი ამბავი გვეგონა. სამაგიეროდ დღევანდელი ბავშვები სრულიად სხვა ბუნებისანი არიან. ისინი მიილტვიან უფროსებთან მეგობრულ, თანამშრომლური ურთიერთობისკენ. მათ მეგობარი დედა, მამა, ბებია და პაპა უნდათ და არა დამრიგებელი.

ბევრ ბავშვს ახასიათებს ასეთი რამ - ხედავენ, თითქოს მათთან მოდიან ვიღაცები და ეთამაშებიან. ჰგონიათ, თქვენც ხედავთ მათ და გიამბობენ მათ შესახებ. ან გიმბობენ თავის ისტორიებს, ზოგჯერ გაუგებარს. ამ დროს არ შეიძლება უთხრათ, რომ ეს სისულელეა და თავი დაგანებოთ. ასე გზას უკეტავთ მათ სამყაროს შეცნობისკენ. "

იხილეთ ვიდეო