მეტროსადგურ "უნივერსიტეტში" სამშენებლო სამუშაოები უკვე დასრულებულია. ამჟამად, სპეციალისტების მიერ მერტოსადგურის სრულად ტესტირება მიმდინარეობს, რათა უახლოეს მომავალში ექსპლუატაციაში შევიდეს, - ამის შესახებ Allnews.ge-ს მუნიციპალური განვითარების ფონდში განუცხადეს.

ფონდის საზოგადოებასთან ურთიერთობის სამსახურის ინფორმაციით, მეტროსადგური ექსპლუატაციაში, სავარაუდოდ, ოქტომბერში შევა, -

"სამუშაოები მიმდინარეობს, რომ მთელი სისტემა მწყობრში მოვიდეს, თუმცა მისი ექსპლუატაციაში შესვლის ზუსტი თარიღი ჯერ არ ვიცით, სავარაუდო ვადა ოქტომბრის დასაწყისია," - აღნიშნავენ ფონდში.

პირველი კადრები მეტროსადგურ "უნივერსიტეტიდან"

ახალი მეტროსადგურის მშენებლობას "აზიის განვითარების ბანკი" აფინანსებს და მისი ღირებულება, დაახლოებით 83,000,670 ლარია, ობიექტზე სამშენებლო სამუშაოებს კი ტენდერში გამარჯვებული ესპანური კომპანია აწარმოებს.