"მზად ვარ ჩემი ადგილსამყოფელი მოგწეროთ" - ალკატრასის ციხიდან გაქცეულმა მამაკაცმა FBI-ს წერილი 50 წლის შემდეგ მისწერა
აშშ-ს გამოძიების ფედერალურმა ბიურომ (FBI) ცნობილი ალკატრასის ციხიდან გაქცეული სამი დამნაშავის წინააღმდეგ საქმე განაახლა მას შემდეგ, რაც ერთ-ერთი მათგანისგან წერილი მიიღო.
ჯონ ანგლინი, რომელიც ციხიდან თავის ძმასთან, კლარენსომთან და პატიმარ ფრენკ მორისოსთან ერთად ჯერ კიდევ 1962 წელს გაიქცა. სააგენტოს წერილი მისწერა და შესთავაზა ერთი წელი ციხეში გატარება, თუ სიმსივნეს სამკურნალო პროცედურებს ჩაუტარებდნენ. წერილი 2013 წლით არის დათარიღებული, მაგრამ საზოგადოებას მხოლოდ ახლახანს აჩვენეს, წერს The Telegraph.
აი, რა წერია წერილში:
„მე მქვია ჯონ ანგლინი. ალკატრასის ციხიდან 1962 წლის ივნისში ჩემ ძმასთან, კლარენსთან, და ფრანკ მორისთან ერთად გავიქეცი. მე 83 წლის ვარ და ძალიან ცუდად ვარ. მე სიმსივნე მაქვს! დიახ, იმ ღამით ჩვენ ყველამ მაინც ეს გავაკეთეთ! ფრანკი 2005 წლის ოქტომბერში დაიღუპა. მისი საფლავი მდებარეობს ალექსანდრიაში სხვა სახელით. ჩემი ძმა 2011 წელს გარდაიცვალა.
თუ ტელევიზიას განუცხადებთ, რომ თავიდან ციხეში მაქსიმუმ ერთი წელი ვიქნები და სრულყოფილ სამედიცინო მომსახურებით უზრუნველყოფილი ვიქნები, ჩემ ადგილმდებარეობას მოგწერთ. ეს ხუმრობა არაა, არამედ სრული ჭეშმარიტება“.
ოფიციალური ინფორმაციით, ალკატრასი არის ციხე, საიდანაც „ვერც ერთმა პატიმარმა გაქცევა ვერ მოახერხა“, რომელიც სან-ფრანცისკოში მახლობლად, კუნძულზე მდებარეობს. კუნძული ძლიერი და არაპროგნოზირებადი ტალღებით არის გარშემორტყმული.
ცნობილია, რომ ალკატრასის ციხიდან გაქცევის მცდელობა 36 ადამიანს ჰქონდა, თუმცა, როგორც ითვლებოდა, წარმატება არავის მიუღწევია.
1962 წელს გაქცეული ძმების, ანგლინის და მორისის, საიდუმლო დღემდე გახსნილი არ იყო. რეალურ მოვლენებზე დაფუძნებით 1979 წელს გადაიღეს ფილმი „გაქცევა ალკატრასიდან“.
ითვლებოდა, რომ ისინი დაიხრჩვნენ, მაგრამ ეს ფაქტი დამტკიცებული არ იყო.
The Telegraph-ის მონაცემებით, ანგლინის ოჯახის ზოგიერთი წევრი ირწმუნებოდა, რომ სამი მამაკაცი გადარჩა და წლების განმავლობაში კიდევ უკავშირდებოდნენ.
ალკატრასი თავიდან სამხედრო ციხესიმაგრე და ციხე იყო 1850 წლებში, სადაც ციხიდან გაქცეულ დეზერტირებს აპატიმრებდნენ, ასევე ამერიკის სამოქალაქო ომის მხარდამჭერების კონფედერაცია.
აშშ-ს იუსტიცის დეპარტამენტმა ის 1933 წელს იყიდა და 1934 წელს ციხე გახსნა. განაგრძეთ კითხვა