“დიანა ღურწკაია სათვალის გარეშე” – მომღერლის ბავშვობის აქამდე უცნოები ფოტოები
სოციალურ ქსელში ვრცელდება წარმოშობით ქართველი, რუსეთში მოღვაწე მომღერლის დიანა ლურწკაიას აქამდე უცნობი ფოტოები.
მომღერალი ცდილობს, ფართო დიზაინის სათვალე ატაროს, რომელიც კარგად ფარავს მის სახეს.
დიანა წარმოშობით მეშახტე მამისა და მასწავლებელი დედის ოჯახიდანაა. დაბადებით ბრმამ, დიანამ შეძლო დაერწმუნებინა მუსიკის მასწავლებელი, რომ ფორტეპიანოზე დაკვრას მოახერხებდა. 10 წლის ასაკში პირველად გამოვიდა თბილისის ფილარმონიაში ირმა სოხაძესთან ერთად. 1995 წელს გაიმარჯვა მუსიკალურ კონკურსში „იალტა-მოსკოვი-ტრანზიტი“. 1999 წელს დაასრულა მოსკოვის გნესინის მუსიკალური სასწავლებლის საესტრადო განყოფილება. აფხაზეთის კონფლიქტის შემდეგ ოჯახი საცხოვრებლად რუსეთში გადავიდა.
დიანა ღურწკაიას მეუღლე, პიოტრ კუჩერენკო გასულ წელს გარდაიცვალა. პიოტრი კუბიდან რუსეთში მივლინებიდან ბრუნდებოდა, თვითმფრინავში კი მოულოდნელად შეუძლოდ გახდა, ექიმებმა მისი გადარჩენა ვერ შეძლეს.
"არაფერი მოასწავებდა უბედურებას. პიოტრი ხალისიანი ადამიანი იყო, უყვარდა ცხოვრება და სხვების გახარება. რაც მოხდა, იმის მიღება და გაგება რთულია. არასოდეს დამავიწყდება ის საღამო, გული თითქოს ჩამწყდა. ეს მდგომარეობა დღემდე მაქვს. პეტია ავად თვითმფრინავში გახდა. ექიმებმა თქვეს, რომ პეტიას გულის უკმარისობა ჰქონდა", - ამბობს ღურწკაია.