როგორ დავსაქმდეთ სასურველ სამსახურში - 10 შეცდომა, რომელსაც გასაუბრებაზე თავი უნდა აარიდოთ | Allnews.Ge

ახალი, სასურველი სამუშაოს ძიებისას ბევრი დეტალი უნდა გაითვალისწინოთ. საჭიროა მუდმივი წვდომა გქონდეთ გამოცხადებულ ვაკანსიებზე და გარდა ამისა, სხვა წყაროებითაც ეძიოთ თქვენთვის სასურველი სამსახური.

მას შემდეგ, რაც თქვენთვის სასურველ ვარიანტს იპოვით, მეორე ეტაპზე ძალიან მნიშვნელოვანია გასაუბრება - აი აქ კი შფოთვა და ნერვიულობა ნამდვილად არ გარგებთ.

არის კიდევ რამდენიმე დეტალი, რაც გასაუბრებაზე უნდა გაითვალისწინოთ, რომ თქვენი კანდიდატურა კონკურენტუნარიანი იყოს.

10 შეცდომა, რომელსაც გასაუბრებაზე თავი უნდა აარიდოთ

დაგვიანებით მისვლა

თქვენს პოტენციურ დამქირავებელს სურს დარწმუნდეს, რომ პასუხისმგებლობის გრძნობის მქონე ადამიანი ხართ და თუ პირველივე გასაუბრებაზე დააგვიანებთ, ეს ნამდვილად არ შექმნის კარგ შთაბეჭდილებას.

თუ მიწვეული ხართ ონლაინ გასაუბრებაზე, ყოველთვის შეამოწმეთ შეხვედრის ბმული გასაუბრებამდე, რათა დარწმუნდეთ, რომ არ არის პროგრამული უზრუნველყოფის პრობლემები.

იმისათვის, რომ საგზაო მოძრაობის წესებმა ან საცობმა არ შეგიქმნათ დაბრკოლება, უმჯობესია ყველაფერი ისე დაგეგმოთ, რომ პოტენციურ დამსაქმებელთან დროულად მიხვიდეთ.

გაიმეორეთ ძირითადი პუნქტები

ნუ იფიქრებთ, რომ ინტერვიუერს თქვენი რეზიუმე დამახსოვრებული აქვს: ბოლოს და ბოლოს, ის სავარაუდოდ, რამდენიმე კანდიდატს განიხილავს. მოთმინებით მოუსმინეთ მის შეკითხვებს და შემდეგ დამაჯერებლად შეახსენეთ თქვენი მიღწევების შესახებ.

ზედმეტი ძალისხმევის გარეშე

მოარგეთ თქვენი რეზიუმე იმ პოზიციას, რომელზეც გასაუბრებაზე უნდა ისაუბროთ. თუმცა, საუბრისას ზედმეტი ნუ მოგივათ - თქვენს მიერ განხორციელებულ პროექტებზე და სხვა პლუსებზე ზედმეტი ძალისხმევის გარეშე ისაუბრეთ. ნუ ეცდებით ემოციურად მოყოლას, ისტორია მოკლედ ლაკონიურად და ამომწურავად მოუთხრეთ.

პროფესიონალური მიდგომა

აუცილებლად იფიქრეთ იმაზე, თუ როგორ მიიღებენ თქვენს სიტყვებს მენეჯერები. ინტერვიუს დაწყებამდე გადახედეთ სამუშაოს აღწერას და იფიქრეთ იმაზე, თუ რა გაგხდით ამ როლის საუკეთესო კანდიდატად. ამის წინასწარ ცოდნა გაზრდის თქვენს თავდაჯერებულობას.

სხეულის ცუდი ენა

გასაუბრებაზე მნიშვნელოვანია მხრებში გასწორებული და თავდაჯერებული იყოთ. ნუ მოიხრებით სკამზე და მუდარის თვალებით ნუ შეხედავთ გარშემომყოფებს.

ეცადეთ, აკონტროლოთ სუნთქვა და თუ ძალიან დაიძაბებით, საუბრისას კონცენტრირება ერთ წერტილზე მოახდინეთ -ეს თქვენს გონებას მოადუნებს.

პირადი საკითხების წამოწევა

თუ არ გკითხავენ, თქვენი პირადი შეხედულებები საკამათო თემებზე (პოლიტიკა, რელიგია და ა.შ.), არ გამოხატოთ. გახსოვდეთ, გასაუბრებაზე თქვენ არ ხართ იმ პოზიციაში, რომ დიალოგი წარმართოთ - ამის ნაცვლად დაჰყევით რეგლამენტს, თუმცა თავს თავისუფლად საუბრის უფლება მიეცით. იხილეთ სრულად