ირანული ავიაკომპანიები საქართველოდან რეგულარულ რეისებს განახორციელებენ
ქართულ ბაზარზე სამი ირანული ავიაკომპანია შემოდის.
"ტავ ჯორჯიას" ინფორმაციით თებერვლის ბოლოდან ქართულ ავიაბაზარზე ირანული კომპანია ATA Airlines ბრუნდება. თბილისის საერთაშორისო აეროპორტიდან თეირანის მიმართულებით რეგულარულ ავიარეისებს Mahan Air და Qeshm Airlines სავარაუდოდ, მარტიდან განახორციელებენ. ინფორმაციას ამის შესახებ თბილისის საერთაშორისო აეროპორტი ავრცელებს.
თბილისისა და ბათუმის საერთაშორისო აეროპორტების ოპერატორმა კომპანიამ ,,ტავ ჯორჯიამ" მოლაპარაკებები სამ უმსხვილეს ირანულ ავიაკომპანიასთან უკვე დაიწყო.
"ტავ ჯორჯია" TAV Airports Holding-ის შვილობილი კომპანიაა. დღესდღეისობით TAV Airports Holding და მისი პარტნიორი კომპანია Aeroports de Paris Group მსოფლიო მასშტაბით ოპერირებას უწევენ 37 აეროპორტს და ემსახურებიან 200 მილიონზე მეტ მგზავრს.