ტელეკომპანია "მაესტროს" დამფუძნებელთა კრება ხვალ გაიმართება, - ამის შესახებ ინფორმაცია "მაესტროს" საკონტროლო პაკეტის მფლობელმა გია გაჩეჩილაძემ "მაესტროში" შეხვედრის დასრულების შემდეგ ჟურნალისტებს განუცხადა.

გია გაჩეჩილაძის ინფორმაციით, დღევანდელი შეხვედრა შეთანხმებით დასრულდა და შეხვედრის დეტალები ხვალ დამფუძნებელთა კრებაზე გახდება ცნობილი.

რაც შეეხება ტელეკომპანია "მაესტროს", გაჩეჩილაძის ინფორმაციით, ეთერი დღეს აღდგება, ხოლო შეფერხებები ტექნიკურ მიზეზებს უკავშირდება.

"ჩვეულებრივი სამუშაო სიტუაციაა. დღეს მივედით გადაწყვეტილებამდე და შევთანხმდით ორივე მხარე, გაგრძელდეს ჩვეულებრივ მუშაობა. მათ ჰქონდათ გარკვეული კითხვები, რაზეც მიიღეს პასუხი. ხვალ გაიმართება დამფუძნებელთა კრება. ხვალ გაჟღერდება ყველა გადაწყვეტილება, რომელიც იქნება მიღებული "მაესტროსთან" დაკავშირებით", - განაცხადა გია გაჩეჩილაძემ.