გლდანში ”ლიბერთი ბანკის” ფილიალი დააყაჩაღეს
გლდანში, "ლიბერთი ბანკის" ფილიალი დააყაჩაღეს. როგორც "ლიბერთი ბანკის" პრესსამსახურში განუაცხადეს, ადგილზე ექსპერტ-კრიმინალისტები მუშაობენ და ამ დროისთვის უცნობია, რა რაოდენობის თანხაა წაღებული.
მათივე ცნობით, შემთხვევა დღეს დილით, მაშინ მოხდა, როცა ბანკში თანამშრომლები უკვე იმყოფებოდნენ.
შინაგან საქმეთა სამინისტროს ინფორმაციით, მომხდარზე გამოძიება სსკ-ის 179-ე მუხლით მიმდინარეობს.