საქართველოში ცხოველთა უფლებები დარღვეულია და ეს არასწულწლოვანთა მხრიდან ხდება, რადგან ადგილი აქვს ძალიან დიდ აგრესიას- , ამის შესახებ საქართველოს ცხოველთა დაცვის თავმჯდომარემ, ვეტერინარმა ვახტანგ მამალაძემ რადიო "პალიტრას" გადაცემა "მწვანე ზონაში" საუბრისას განაცხადა.

მამალაძის თქმით, ეზოში თამაშისას ბავშვები ცხოველებს მწვალებლურად ექცევიან, ავლენენ სადისტურ ელემენტებს, რაც საგანგაშოა.

ცხოველთა სამყაროს ყველაზე საშიში ბინადრები

"ცხოველის ყოლა ოჯახში არის ძალიან მნიშვნელოვანი, რადგან მას დადებითი აურა შემოაქვს. ბავშვი უფრო მშვიდი, მზრუნველი ხდება. მქონდა შემთხვევა, როდესაც ჩემი პაციენტის პატრონმა ბავშვთან ლეკვი მიიყვანა, შემდეგ როდესაც მშობელი პედიატრთან მივიდა, ექიმმა უთხრა, რომ ცხოველი ბავშვთან ერთად არ უნდა ყოფილიყო, რადგან ეს დაავადების კერა იქნებოდა. როდესაც პედიატრს დავუკავშირდი, იგივე განმიცხადა, რაც დიდ შეცდომაა", - აღნიშნა ექიმმა ვეტერინარმა.

სპეციალისტის თქმით, ბავშვის სტერილურ გარემოში აღზრდის თეორია მოძველებულია და პროფესიონალი პედიატრები ამ რეკომენდაციას მშობლებს აღარ აძლევენ.

ძაღლის ყოლა ადამიანს ფსიქოლოგიური პრობლემების გადაჭრასა და სტრესის დაძლევაში ეხმარება

"პედიატრებში გამოკითხვა ჩატარდა და მათი მოსაზრებები 50/50-ზეა, თუმცა, არსებობს ძალიან ბევრი ცხოველთმოძულე პედიატრი," - განმარტა მან.

ვახტანგ მამალაძემ ასევე დასძინა, რომ საზოგადოების მხრიდან ქუჩის ცხოველების მიმართაც ნეგატიური დამოკიდებულებაა, რაც ბავშვებზეც აისახება.

10 ყველაზე პოპულარული ძაღლის ჯიში