ცენტრალურმა საარჩევნო კომისიამ 2016 წლის 8 ოქტომბრის არჩევნების საბოლოო შედეგები შეაჯამა. საბოლოო შედეგების შემაჯამებელი ოქმის მონაცემები კომისიის წევრებს ცესკო-ს მდივანმა გიორგი ჯავახიშვილმა გააცნო.

აღნიშნული მონაცემების თანახმად, ამომრჩეველთა საერთო რაოდენობა 3 513 884 იყო. არჩევნების შედეგები გაბათილდა და განმეორებითი კენჭისყრა აღარ გაიმართა 10 უბანზე. პროპორციული საარჩევნო სისტემით ჩატარებულ არჩევნებში მონაწილეობა მიიღო 1 825 054-მა ამომრჩეველმა.

საარჩევნო სუბიექტები, რომლებმაც ბარიერი გადალახეს და პარლამენტში მოხვდნენ არიან: "ერთიანი ნაციონალური მოძრაობა" - 477 053 ხმა, "დავით თარხან -მოურავი, ირმა ინაშვილი-საქართველოს პატრიოტთა ალიანსი, გაერთიანებული ოპოზიაცია" - 88 097 ხმა, "ქართული ოცნება -დემოკრატიული საქართველო" - 856 638 ხმა.

"ქართული ოცნებიდან" პარლამენტის წევრად აირჩიეს 115 დეპუტატი, "ნაციონალური მოძრაობიდან" -27, "პატრიოტთა ალიანსიდან" - 6,

"თოფაძე მრეწველებიდან" - 1 და საინიციატივო ჯგუფიდან - 1 დეპუტატი.