საშობაო შოპინგი უცხოურ ვებსაიტებზე | Allnews.Ge

ონლაინ შოპინგი დღეს უკვე ფართოდ არის დამკვიდრებული ჩვენს ცხოვრებაში. ინტერნეტი არა მხოლოდ ინფორმაციის მიღების და გართობის, არამედ ვაჭრობის და შეკვეთების საშუალებაც გახდა.

განსაკუთრებით იზრდება ინტერნეტით ფინანსური ოპერაციების რიცხვი საშობაოდ (საახალწლოდ). ონლაინ ვყიდულობთსაჩუქრებს, ვიწერთ ჩვენთვის ახალ ტანსაცმელს, ვფარავთ მიმავალი წლის დავალიანებებს და .ა.შ.

ალბათ ყველა ჩვენთაგანს უყიდია რაიმე ონლაინ რეჟიმში, ან ბილეთები, თუ მაგიდა დაუჯავშნია, ან ლანჩი შეუკვეთია ოფისში. ეს ყველაფერი კი ძირითადად ფულის ინტერნეტით გადახდასთან არის დაკავშირებული. ონლაინ გადახდები და ონლაინ ბანკინგი ძალიან მოსახერეხებელი ფორმაა.

მაგრამ ისევე როგორც ყველა სიახლეს, ონლაინ შოპინგსაც ახლავს თან გარკვეული რისკები და საფრთხეები. Vivus.ge ბლოგი რამდენიმე მათგანს გთავაზობთ.

სანამ კონკრეტულ რჩევებზე დავიწყებთ საუბარს, სპეციალურად მათთვის ვისაც გონია, რომ ეს სტატია მისთვის არაა, რადგან საშოპინგოდ ფული არ აქვს, გავაკეთებთ მცირე კომენტარს და შეგახსენებთ, რომ თქვენი მეგობარი კომპანია Vivus.ge თქვენს გვერდითაა და მზად არის დაგეხმაროთ. შემობრძანდით ჩვენს საიტზე, შეარჩიეთ თქვენთვის სასურველი sesxi, აღიჭურვეთ ფულით, რომელიც შოპინგის მთავარი ატრიბუტია, შემდეგ გადახედეთ ამ სტატიაში ჩამოთვლილ სასარგებლო რჩევებს და ბოლოს შეუდეგით ონლაინ შოპინგს.

ონლაინ შოპინგის დროს გასათვალისწინებელი რჩევები კი შემდეგნაირად გამოიყურება:

1.საქართველოში პოპულარულია უცხოური ვებსაიტებიდან სხვადასხვა ნივთების გამოწერა. ამ დროს გადახდისთვის ჩვენ ვიყენებთ ბარათს.

სანამ შეიყვანდეთ თქვენი ბარათის მონაცემებს უცხოურ ვებგვერდზე, კარგად დარწმუნდით რამდენად უსაფრთხოა ეს საიტი, აქვს თუ არა უსაფრთხოების სერთიფიკატი.

არ არის გამორიცხული თქვენი ბარათის დეტალური ინფორმაცია მოხვდეს არაკეთილსინდისიერ ხელში და მასზე არსებული თანხა საფრთხის ქვეშ დადგეს. თუ თქვენ არ გაქვთ ჩართული ბანკიდან მოკლე ტექსტური ინფორმაციის მიღების სერვისი ყოველ ჩატარებულ ოპერაციაზე, მაშინ ვერც გაიგებთ, როგორ გამოიყენა თქვენი თანხა სხვამ, სანამ ბალანს არ შეამოწმებთ ან ბანკში ამონაწერს არ აიღებთ.

სჯობს თავი დაიზღვიოთ და ვებსაიტის უსაფრთხოების შესახებ დეტალური ინფორმაცია მოიძიოთ, რადგან თუ თანხა მოხსნეს თქვენი ბარათიდან, მისი უკან დაბრუნება საკმაოდ გაგიჭირდებათ, ხოლო ამ საქმეში ინტერპოლის ჩარევა კი ძვირი სიამოვნებაა.

2.ბარათის მომსახურე ბანკები ძალიან მაღალ პროცენტს იღებენ ვალუტის კონვერტაციისას. თუ თქვენი ბარათის ძირითადი ვალუტა ის არ არის რომელშიც გადახდას აპირებთ, ამონაწერშიაღმოაჩენთ, რომ თანხის კონვერტაცია არც თუ ისე იაფი დაგიჯდათ და შესაბამისად თვენს მიერ უცხოურ საიტზე იაფად შეძენილი ნივთიც გაგიძვირდათ.

3.თუ ამას დავუმატებთ საქართველოში ჩამოტანის ღირებულებასაც, შეიძლება დაფიქრება მოგიხდეთ. იქნებ იგივე ნივთი ადგილზე უფრო იაფი დაგიჯდეთ.

4.აგრეთვე გაითვალისწინეთ, რომ თუ თქვენს მიერ გადახდილი თანხა 300 ლარს აღემატება, მაშინ ამანათის საქართველოში მიღებისას თქვენ მოგიწევთ მისი განბაჟება და ღირებულების 18 პროცენტის გადახდა.

5.ხშირად პრობლემები ჩნდება ტანსაცმლის ან ფეხსაცმლის შეძენისას. ინტერნეტში განთავსებული სურათით ძნელია პროდუქციის ხარისხის შეფასება, ხანდახან ადგილზე ჩამოსვლისას აღმოჩნდება, რომ კაბა თუ პერანგი არც ისე ლამაზია, როგორც სურათზე ჩანდა.

გარდა ამისა, კარგად დააკვირდით თუ რომელი ქვეყნის სტანდარტებითაა ზომები მითითებული. ცხადია, ეს სტანდარტები განსხვავდება და შეიძლება ტანსაცმელი არ მოგერგოთ.შეგიძლიათ ინტერნეტში მოძებნოთ ინფორმაცია ზომების თქვენთვის ჩვეულ სტანდარტზე გადასაყვანად, მაგრამ სხვადასხვა საიტზე ინფორმაცია იმდენად განსხვავებულია, რომ არ არის გამორიცხული კიდევ უფრო დაიბნეთ.

ცხადია, ცხრილები ინფორმაციულ ხასიათს ატარებს და არ არის იმის გარანტია რომ ტანსაცმელი თუ ფეხსაცმელი მოგერგებათ. ყველაზე კარგია თუ ასეთი ცხრილის ნახვის საშუალება მწარმოებლის ვებსაიტზე გექნებათ, მაშინ თქვენი წარმატების შანსი მნიშვნელოვნად გაიზრდება.

მოკლედ რომ ვთქვათ, ისიამოვნეთ ონლაინ გადახდის და შოპინგის კომფორტით, მაგრამ ფრთხილად იყავით, სიამოვნება გულდაწყვეტაში არ გადაგეზარდოთ.

R