იმისთვის, რომ ტყუილად არ დაგეგმოთ საახალწლო დღეებში შოპინგი, ან პირიქით დაგეგმოთ, მაგრამ სწორად, allnews.ge შეეცადა მოემზადებინა, ერთგვარი ცნობარი, თუ რომელი მაღაზიები, რა განრიგით იმუშავებს 31 დეკემბერსა და 1-ელ იანვარს.

31 დეკემბერს "ისთ პოინტი" 10-დან 8 საათამდე მოგემსახურებათ. პირველ იანვარს მაღაზიების უმეტესობა დაკეტილი იქნება, თუმცა, გასართობად, მაინც შეძლებთ "ისთ პოინტში" წასვლას, რადგან კვირას 13:00 საათიდან გასართობი ცენტრი და ბოულინგი იმუშავებს. 2 იანვრიდან მაღაზიები ჩეულ სამუშაო რეჟიმს დაუბრუნდებიან.

რაც შეეხება, "თბილისი მოლს" 31 დეკემბერს სავაჭრო ცენტრი, 21:00 საათამდე მუშაობს, ხოლო, 1 იანვარს მთელი მოლი დაიკეტება.

31 დეკემბერს, "კარფური" 09:30-22:00 საათამდე იმუშავებს. კვირას ყველა მაღაზია დაკეტილი იქნება. 2 იანვრიდან "კარფური"  მუშაობას განაახლებს და 09:30-22:00 საათამდე იმუშავებს.

დღეს, 30 დეკემბერს "კარფური" განსაკუთრებულ რეჟიმში მუშაობს და ჰიპერმარკეტები 09:30-00:00 საათამდე, ხოლო მარკეტები 09:30-23:00 საათამდე იქნება ღია.

"ნიკორას" მაღაზიათა ქსელის ის სუპერმარკეტები, რომლებიც 24 საათიანი გრაფიკით მუშაობენ, 31 დეკემბერს და 1 იანვარსაც, უცვლელი რეჟიმით იმუშავებენ. რაც შეეხება მარკეტებს, რომლებიც 22:00 საათამდე მუშაობენ, შაბათ-კვირას იგივე გრაფიკი შეუნარჩუნდებათ. 

"ფრესკოში" 24 საათის განმავლობაში მოგემსახურებიან, როგორც 31 დეკემბერს ისე 1-ელ იანვარს.

"გუდვილის" დიდი დიღმის ფილიალი 31-ში 10-დან 8 საათამდე მოგემსახურებათ, ხოლო 1-ელ იანვარს 12-დან 8 საათამდე. რაც შეეხება ვაკისა და საბურთალოს ფილიალებს, დღეს ორივე 24 საათიანი გრაფიკით იმუშავებენ.

რაც შეეხება "სმარტს", მაღაზიათა ქსელი შაბათ-კვირას, ჩვეულ, 24 საათიან რეჟიმში იმუშავებს. რაც შეეხება "სპარს," მაღაზიების უმრავლესობა 24 საათიანი გრაფიკით მუშაობს და ახალი წლის დღეებშიც, იმავე განრიგით მოგემსახურებათ.

ნარიტა ჩხაიძე