ალექსანდრე ჯეჯელავა ყურადღების ეპიცენტრში თანამდებობაზე დანიშვნისთანავე მოხვდა, რადგან ახლანდელი განათლების სისტემისა და პროგრამის მიმართ კრიტიკითა და ინოვაციური იდეებით გამოირჩეოდა.

საქართველოს განათლებისა და მეცნიერების მინისტრი 1973 წელს დაიბადა. იგი პირველ ექსპერიმენტულ სკოლაში სწავლობდა, შემდეგ კი კომაროვის ფიზიკა-მათემატიკის სკოლაში, რომელიც წარჩინებით დაასრულა.

სკოლის დამთავრების შემდეგ, მან "თბილისის სახელმწიფო უნივერსიტეტში", გამოყენებითი მათემატიკის ფაკულტეტზე ჩააბარა და ბაკალავრის ხარისხი მიიღო. მინისტრმა 1995 წელს, "თსუ"-ში გამოყენებითი მათემატიკისა და კომპიუტერული მეცნიერების მიმართულებით მაგისტრის ხარისხიც მოიპოვა, იგივე ხარისხი მან "იესემ-თბილისის" (MBA) პროგრამის დასრულების შემდეგ, ზოგადი მართვის მიმართულებითაც აიღო.

ალექსანდრე ჯეჯელავა მეუღლესთან, ნატალია მუხათგვერდელთან ერთად თბილისში, ჭავჭავაძის N75-ში 95 კვ.მ ფართობის მქონე ბინაში ცხოვრობს. მის საკუთრებაში, ასევე ორი ავტომობილი, 2010 წლის Hyundai ix35 და Suzuki Grand Vitara-ა, რომლის გამოშვების თარიღიც 2000 წელია.

მინისტრს ორი ქალიშვილი ჰყავს.

საბანკო ანგარიში: ანაბრები "თი-ბი-სი" ბანკში - 15389,67$-ის ოდენობით; ასევე 3 8000$ და 4445,41$.

სახელფასო ანგარიში: "თი-ბი-სი" ბანკში 5569 ლარს შეადგენს, მიმდინარე ანგარიში ამავე ბანკში 534,59$-ია. ალექსანდრე ჯეჯელავას საკუთრებაში არსებული ნაღდი ფულადი თანხა 9 500 ლარია.

სესხები: იპოთეკური სესხი "თი-ბი-სი" ბანკში 6 5000 ლარის ოდენობით; სამომხმარებლო სესხი ამავე ბანკში 13 000$-ის ოდენობით. ასევე, იპოთეკური სესხი "თი-ბი-სი" ბანკში, რომელიც ორი იპოთეკური სესხის გაერთიანებით წარმოიქმნა შეადგენს 46 300$-ს. მინისტრს თანხა გასესხებულიც აქვს, 18 თვის ვადით შპს "აი-ბი-ეფ"-ისთვის და მისი ოდენობა 13 000$-ს შეადგენს.

ალექსანდრე ჯეჯელავამ სასკოლო ექსკურსიებთან დაკავშირებით საკუთარი მოსაზრება გამოთქვა

სანამ ჯეჯელავა განათლებისა და მეცნიერების მინისტრი გახდებოდა, იგი სხვადასხვა კომპანიაში მუშაობდა. თავდაპირველად ის "აიიპ მართვის აკადემიის" თავმჯდომარე იყო, საიდანაც მისმა შემოსავალმა 200 859 ლარი შეადგინა. ამავე კომპანიაში ტრენერიც იყო, აღნიშნული საქმიანობის ანაზღაურება 2 000 ლარი შეადგენდა.

გარდა ამისა, ჯეჯელავა ტრენერად მუშაობდა "თი-ბი-სი" ბანკშიც, მან ანაზღაურების სახით 3 820 ლარი მიიღო. ტრენერად მუშაობის გამოცდილება მას კომპანია "ჯეოსელშიც" აქვს, საიდანაც შემოსავალი 1 781 ლარი ჰქონდა, ხოლო ამავე საქმიანობის განხორციელებისას შპს "ტრენდსეტში" 2 800 ლარი მიიღო.

მინისტრი ტრენერად კიდევ ორ კომპანიაში იყო დასაქმებული, ესენია შპს "ორიენტ-ლოჯიკი" , სადაც მისი ანაზღაურება 3 280 ლარს შეადგენდა დასადაზღვევო კომპანია "ჯი-პი-აი ჰოლდინგი", ანაზღაურება - 1 200 ლარი.

ალექსანდრე ჯეჯელავას პროექტების მენეჯმენტში 20 წლიანი, ხოლო აკადემიურ სწავლებასა და პროფესიონალურ ტრენინგებში 10 წლიანი გამოცდილება აქვს. მისი ტრენინგები, ძირითადად, ლიდერობას, ზოგად და პროექტების მენეჯმენტს, საინფორმაციო სისტემების მენეჯმენტს, გაყიდვების მართვასა და სტრატეგიულ მენეჯმენტს მოიცავდა.

მას ლექტორად მუშაობის გამოცდილებაც აქვს.

2010-2016 წლებში იგი ლექციებს საქართველოს ბანკის უნივერსიტეტში, კავკასიის ბიზნეს სკოლაში და თავისუფალ უნივერსიტეტში კითხულობდა. კავკასიის უნივერსიტეტსა და საქართველოს საზოგადოებრივ საქმეთა ინსტიტუტში კი სამაგისტრო პროგრამის ხელმძღვანელი იყო.

ალექსანდრე ჯეჯელავა - ბავშვები "აიფონებსა" და "აიპადებში" არიან ჩამძვრალი, ამიტომ ფიზიკურად აქტიურები არ არიან

2009-2011 წლებში, კომაროვის ფიზიკა-მათემატიკს N199 საჯარო სკოლაში სამეურვეო საბჭოს თავმჯდომარე იყო. "საქართველოს ლატარიის კომპანიაში" კი საინფორმაციო ტექნოლოგიების სტრატეგიული განვითარების კონსულტანტი.

მინისტრს, 2010 წელს "ჯორჯ უოშინგტონის უნივერსიტეტის" პროექტების მართვის მასტერის ხარისხი აქვს მინიჭებული. 2015 წელს, ის Erickson Coaching International-ის სერტიფიცირებლი საერთაშორისო მწვრთნელი გახდა.

ახლა ალექსანდრე ჯეჯელავა საქართველოს განათლებისა და მეცნიერების მენეჯმენტს ახორციელებს და ინოვაციური მეთოდების დანერგვას აპირებს.

მარიამ მენაბდიშვილი