ქუთაისში მაწანწალა ძაღლების დახოცვა იგეგმება, - ამის შესახებ ქუთაისში, ცხოველთა დაცვის ფედერაციის წამომადგენლმა თემურ ლაჭყებიამ ჟურნალისტებს განუცხადა.

ლაჭყებიას თქმით, ქუთაისში, ააიპ "სპეციალური სერვისებმა" 20 კგ ინგლისური მარილი გამოიწერა, რომლითაც ახლად შექმნილ უპატრონო ცხოველთა თავშესაფარში ძაღლების ევთანაზია იგეგმება.

"ეჭვს იწვევს, რომ ეს მარილი გამოყენებული იქნება ძაღლების ევთანაზიისთვის. ამიტომ ვაცხადებ, რომ უპატრონო ცხოველთა თავშესაფარში მიყვანილი ძაღლების დახოცვა იგეგმება", - განაცხადა ლაჭყებიამ.

ცხოველთა უფლებების დამცველები კიდევ ერთ ბრალდებას უყენებენ "სპეციალურ სერვისების" წარმომადგენლებს და ამბობენ, რომ სანარკოზე საშუალებები შეძენილი არ არის, რის გამოც მაწანწალა ძაღლებს ოპერაციებს სანარკოზე საშულების გარშე უკეთებენ და ისინი ტკივილს განიცდიან.

"ცხოველთა დაცვის ფედერაცია ასევე მონიტორინგის უფლებას ითხოვს, რისი საშუალებაც, მათი თქმით, "სპეციალური სერვისების" ადმინისტრაციამ არ მისცა.

ცხოველთა დაცვის ფედერაციის ბრალდებებს ააიპ "სპეციალურ სერვისებში" უარყოფენ. "სპეციალური სერვისების" დირექტორის გელა გაგუას თქმით, 20 კგ მარილი არა მხოლოდ ძაღლებისთვის, მსხვილფეხა საქონლისთვის შეიძინეს. რაც შეეხება, ნარკოზის გარეშე ოპერაციების გაკეთებას, გაგუა კატეგორიულად გამორიცხავს და უარყოფს ამ ბრალდებასაც.