მიმდინარე წელს მეტროსადგურ "გურამიშვილის" რეაბილიტაცია განხორციელდება, - ამის შესახებ "ქართული ოცნების" წევრმა, დეპუტატმა ზაზა გაბუნიამ განაცხადა. როგორც გაბუნიამ აღნიშნა, რეაბილიტაციას თბილისის მერია განახორციელებს.

"გურამიშვილის მეტროს რეაბილიტაცია წინასაარჩევნოდ ჩემი ერთ-ერთი მნიშვნელოვანი დაპირება იყო, რადგან ეს მეტროსადგური სავალალოდ გამოიყურება.

დიდი სურვილი იყო ჩემიც და მოსახლეობისაც, რომ ეს პროექტი განხორციელებულიყო. დასრულდა მუშაობა პროექტზე. უახლოეს დღეებში პირადად ვაპირებ ჩავიდე და ვნახო იქ არსებული მდგომარეობა, წელს იგეგმება სარეაბილიტაციო სამუშაოების ჩატარება", - განაცხადა ზაზა გაბუნიამ.