ჩვენი პლანეტის მოსახლეობის უმეტესობას კბილთან დაკავშირებული სხვადასხვა პრობლემა აწუხებს. თითქმის ყველა ჩვენგანს კი ერთ კბილზე მაინც გვაქვს ბჟენი. თუმცა აღნიშნული ბჟენი მუდმივი არ არის, ის ფუჭდება და შეცვლას საჭიროებს. ცოტა ხნის წინ, კანადელმა მეცნიერებმა შექმნეს ბჟენის ისეთი მასალა, რომელიც ცვლილებას არ საჭიროებს და სიცოცხლის ბოლომდე ძლებს.

ბჟენის გაფუჭების მთავარი მიზეზი პათოგენური ბაქტერიებია, რომლებიც დროთა განმავლობაში პლომბსა და კბილს შორის არსებულ სივრცეში მრავლდებიან. პათოგენური ბაქტერიები თითქმის ყოველთვის ჩნდებიან, აღნიშნული პროცესი არანაირად არ არის დამოკიდებული სტომატოლოგის პროფესიონალიზმსა და ნამუშევარზე. მეცნიერების მიერ შექმნილი ბჟენის ახალი მასალა ამჟამად არსებულისგან ხანგრძლივი ანტისეპტიკური ეფექტით განსხვავდება და მათი ქმედუნარიანობა არსებული ბჟენების ხანგრძლივობას ფაქტობრივად 10-ჯერ გადააჭარბებს.

როგორ ვუშველოთ კბილის ტკივილს სახლის პირობებში?

კბილის დაბჟენისას ანტიბიოტიკები ახლაც გამოიყენება, თუმცა, აღნიშნული ანტიბიოტიკი ადგილობრივად გამოიყენება და მისი მოქმედება რამდენიმე კვირას არ აღემატება. ახალი ბჟენის უპირატესობა კი მის შემადგენლობაშია. ბჟენის მასალა ანტიბიოტიკის განსაკუთრებულ ნანონაწილაკებთან არის შერეული, რაც ბჟენს უფრო მდგრადს ხდის მიკრობების მიმართ და მის იმუნიტეტს ამაღლებს. პირველმა ცდებმა წარმატებით ჩაიარა და ბჟენის ახალი მასალის ეფექტურობა აჩვენა.

ერთ-ერთი ავტორის თქმით, მათ შეძლეს მედიკამენტებისა და მიკროსკოპული ნანონაწილაკების ისეთი კომბინაციის შერჩევა, რომელიც საკმარისი რაოდენობით შეიცავს ისეთ ნივთიერებებს, რაც კბილის მრავალი წლის განმავლობაში დასაცავად საკმარისი იქნება.