თბილისში ყველაზე მეტი, ავტომობილების 36,7%-ია რეგისტრირებული, მას 13,6%-ით იმერეთი და რაჭა ლეჩხუმი მოსდევს, ქვემო ქართლი კი მესამე ადგილს იკავებს, სადაც ავტომობილების 9,8%-ია რეგისტრირებული.

"შინაგან საქმეთა სამინისტროს" 2016 წლის მონაცემების მიხედვით, კაცების 20% უპირატესობას Mercedes-Benz-ის მარკას ანიჭებს, 15,6% Toyota-ს მარკის ავტომობილით გადაადგილდება, 13,6%-ისთვის Nissan-ია ფავორიტი ავტომობილი.

რაც შეეხება ქალებს, მათი 22,4% უპირატესობას Toyota-ს მარკას ანიჭებს, 20,6% Nissan-ს, Mercedes-Benz-ი კი მესამე ადგილს იკავებს.

შსს-მ ავტომობილების ყველაზე პოპულარული ფერების კლასიფიკაციაც მოახდინა. უწყების ინფორმაციით, ყველაზე მეტი, 292 450 მსუბუქი ავტომობილი, ვერცხლისფერია, მეორე ადგილს თეთრი ავტომობილები იკავებს და მათი რაოდენობა 155 111-ს შეადგენს.

შავი მსუბუქი ავტომობილების რაოდენობა 132 039-ია. არანაკლებ პოპულარულია ლურჯი, რადგან საქართველოში ამ ფერის 130 601 ავტომობილი გადაადგილდება. მეხუთე ადგილს მწვანე ავტომობილები იკავებს, მათი რაოდენობა 82 842-ია.

რაც შეეხება სხვა პოპულარულ ფერებს, წითელი ავტომობილების რაოდენობა 80 199-ს შეადგენს; ყავისფერის 52 85-ს, ყვითელის - 22 930-ს, იისფერის - 10 297-ს, ნარინჯისფერის - 10 297-ს, მეწამულის - 3001-ს, ხოლო ვარდისფერი მსუბუქი ავტომობილები, სხვებთან შედარებით ნაკლებად პოპულარულია, რადგან საქართველოში მხოლოდ 460 მათგანი გადაადგილდება.

საქართველოში ყველაზე მოთხოვნადი ავტომობილების ათეული

აღსანიშნავია, რომ საქართველოში ყველაზე გავრცელებული ბრენდი Mercedes-Benz-ია, რადგან ქვეყანაში მისი 161 797 მოდელი გადაადგილდება.