"თბილისის მიკროავტობუსის" ინფორმაციით, სამარშრუტო ტაქსებში მძღოლები კონდიციონერებს ტემპერატურის 27-28 გრადუსამდე მომატების შემთხვევაში ჩართავენ.

"ტემპერატურამ შეიძლება 1-ელ ივნისსაც მოიმატოს, შესაბამისად, როგორც კი პირობით ზღვარს, 27-28 გრადუსს გადასცდება, ამ დროს ადამიანი უკვე დისკომფორტს განიცდის და კომპანიის მხრიდან მძღოლებს კონდიცირების გამოყენების მითითება მიეცემათ,"- განუცხადეს Allnews.ge-ს კომპანიაში.

რაც შეეხება სანქციებს მძღოლებზე, რომლებიც კონდიციონერებს არ ჩართავენ, კომპანიამ მათ შესაძლოა, ხელშეკრულებაც შეუჩეროს. "პირველ შემთხვევაში, რამდენიმე კვირის განმავლობაში, მძღოლს ავტოსატრანსპორტო საშუალების მართვა აეკრძალება, განმეორების შემთხვევაში, აკრძალვა რამდენიმე თვის განმავლობაში გავრცელდება, ხოლო ფაქტის მესამედ განმეორების შემდეგ, კომპანია მძღოლთან კონტრაქტს გაწყვეტს," - აღნიშნეს "თბილისის მიკროავტობუსში.

შეგახსენებთ, რომ მიკროავტობუსებში მძღოლები კონდიცირების სისტემას ამ დროისთვის არ იყენებენ.