11 ივნისს თბილისის ერთ-ერთ უბანში დაახლოებით, 50 წლის მამაკაცს მოქალაქეებმა პედოფილიის ბრალდებით სცემეს, რის შედეგადაც 18 ივნისს მამაკაცი საავადმყოფოში დაიღუპა, -ამის შესახებ Allnews.ge-ს "შინაგან საქმეთა სამინისტროში" განუცხადეს.

უწყების ინფორმაციით, პოლიცია მამაკაცის ცემის ფაქტს შეესწრო, რის შემდეგაც კონფლიქტის ორივე მხარე განყოფილებაში წაიყვანა.

"პედოფილიის ბრალდებაც სწორედ მხარეების დაკითხვის შედეგად გამოიკვეთა, რადგან მანამდე ამასთან დაკავშირებით განაცხადი ჩვენთან არავის არ შემოუტანია, მსგავსი შეტყობინება პოლიციაში არც ახლა არ არსებობს. განყოფილებაში მიყვანის შემდეგ, ნაცემი მამაკაცი ცუდად გახდა, რის შემდეგაც ის საავადმყოფოში გადაიყვანეს, სადაც ერთი კვირის შემდეგ დაიღუპა," - განმარტავენ შსს-ში და დასძენენ, რომ დაღუპულ მამაკაცს პედოფილიის ბრალდებას ჩვენებებში სხვადასხვა პირი უყენებს.

გამოძიება ძალადობის ფაქტზე თავდაპირველად, 126-ე მუხლით დაიწყო, მამაკაცი დაიღუპვის შემდეგ კი, საქმე 117-ე მუხლით გადაკვალიფიცირდა, რაც სხეულის განზრახ დაზიანებით სიკვდილის გამოიწვევას გულისხმობს.

შსს-ს ინფორმაციით, ჩანიშნულია ექსპერტიზა, რომელიც შუახნის მამაკაცის გარდაცვალების რეალურ მიზეზს დაადგენს.

უწყებაში აღნიშნავენ, რომ საქმეზე გამოძიება ინტენსიურად მიმდინარეობს და დამატებითი გარემოებები ძიების პროცესში გახდება ცნობილი.