თბილისში, მთაწმინდის რაიონში, ზაალ ქიქოძის ქუჩაზე საცხოვრებელი სახლის მეორე სართულიდან ახალგაზრდა მამაკაცი გადმოვარდა, რომელიც ადგილზე გარდაიცვალა. შემთხვევა გუშინ საღამოს მოხდა.

როგორც "ინტერპრესნიუსს" ქუჩის მცხოვრებლებმა განუცხადეს, მამაკაცი სარემონტო სამუშაოებს ახორციელებდა, რა დროსაც მას დენმა დაარტყა და უბედური შემთხვევა მოხდა.

ქიქოძის ქუჩის მიმდებარე ტერიტორიაზე ექსპერტ-კრიმინალისტები მუშაობენ. საქმეზე მიმდინარეობს გამოძიება.