
ყაზბეგის რაიონის სოფელ ჯუთასა და თუშეთში, სოფელ ხახაბოში ხანძარი გაჩნდა. როგორც "ინტერპრესნიუსს" საგანგებო სიტუაციების მართვის სააგენტოში განუცხადეს, ჯუთაში ცეცხლი ბალახს უკიდია და იქ 10-მდე მეხანძრე-მაშველი ხანძრის ლოკალიზებაზე მუშაობს.
რაც შეეხება სოფელ ხახაბოს, სააგენტოს პრესამსახურის ცნობით, ადგილზე სახანძრო-სამაშველო ჯგუფები უკვე გავიდნენ.
დაკვამლიანებაა ყვარლის მუნიციპალიტეტის სოფელ შილდას თავზეც.
ადგილზე უკვე გაემართნენ სახანძრო-სამაშველო სამსახურის თანამშრომლები.
არსებული ინფორმაციით, სოფელ შილდას თავზე ხანძრის მცირე კერა შეინიშნება.