
თუ გემის დაღუპვას ცოცხალი გადაურჩით, თავს შეგიძლიათ იღბლიანი უწოდოთ და დარწმუნებულები ვართ, გემის ბორტზე ფეხს აღარასდროს აადგამთ. თუმცა, ვაიოლეტ კონსტანს ჯესოპი ყველაზე იღბლიანია ქალია. ის სამი ტრანსატლანტიკური ლაინერების დაღუპვას გადაურჩა. ესენია "ოლიმპიკი", "ტიტანიკი" და "ბრიტანიკა". უფრო მეტიც, პენსიაზე გასვლამდე ის გემებზე მუშაობას აგრძელებდა.
ვაიოლეტ ჯესოპი 1887 წლის 2 ოქტომბერს არგენტინაში დაიბადა. ირლანდიელი ემიგრანტების ოჯახში მეცხრე ბავშვი იყო. ბავშვობაში ტუბერკულოზი შეეყარა და ექიმებმა რამდენიმე თვის სიცოცხლე უწინასწარმეტყველეს, თუმცა გოგონამ დაავადება დაამარცხდა და ჯანსაღი იყო სიცოცხლის ბოლომდე.
დედის გარდაცვალების შემდეგ ოჯახი ბრიტანეთში დაბრუნდა. მანამდე გოგონა სამონასტრო სკოლაში სწავლობდა. ოჯახს მძიმე ტვირთად რომ არ დასწოლოდა და და-ძმების გამოსაკვები ფული ჰქონოდა, ვაიოლეტი სამგზავრო ლაინერზე სტიუარდესად მოეწყო. სადაც მანამდე დედამისი მუშაობდა. თუმცა, მისი სამსახურში აყვანა გართულდა. იმ პერიოდში ლაინერზე საშუალო ასაკის ქალბატონები მუშაობდნენ, ვაიოლეტი კი 21 წლის გახლდათ. მის სინორჩესა და მიმზიდველობას შეიძლება უსიამოვნება გამოეწვია მგზავრებსა და ეკიპაჟის თანამშრომლებს შორის. კარიერის მანძილზე ჯესოპმა ხელის თხოვნის სამი შემოთავაზება მიიღო. ერთ-ერთი ზღაპრულად მდიდარი მგზავრი გახლდათ.
ado.slave('adoceanadvertlinegeunlmntjrdq', {myMaster: 'PgucTgaQ7SKnYhRaD7PFweZcfc7lvwen1L7Fg.GU8Qv.67' });
1908 წელს, ვაიოლეტ ჯესოპი White Star Line-ის კომპანიაში აიყვანეს სამუშაოდ და აქედან იწყება მისი თავგადასავალი. მისი პირველი გემი "მაჯესტიკი" იყო. მიუხედავად მცირე ანაზღაურებისა, თვეში 2,10 გირვანქა სტერლინგი გამოსდიოდა (200 გირვანქა სტერლინგი დღევანდელი კურსით), სამუშაო მოსწონდა. მგზავრებიც მუდამ კმაყოფილები იყვნენ მისით. შემდეგ კი "ოლიმპიკი" გახლდათ. რომელიც 1911 წლის 20 სექტემბერს კრეისერ "ჰოუკს" შეეჯახა. კატასტროფა უმსხვერპლოდ დასრულდა, მაგრამ "ტიტანიკის" შემთხვევაში მსოფლიო კატასტროფა დატრიალდა. კომპანიაში იცოდნენ გამოცდილი და გულისხმიერი ვაიოლეტის შესახებ და მდიდრულ ლაინერზე მიიპატიჟეს სამუშაოდ.
გემის ბედი ყველამ იცით, იგი აისბერგს შეეჯახა და 1500 ადამიანი გარდაიცვალა. ვაიოლეტ ჯესოპი მე-16 ნომრის ნავში იჯდა. აი, რას იხსენებდა მოგვიანებით: "ქალები ქმრებს ემშვიდობებოდნენ, ბავშვებსაც ატანდნენ, მაგრამ თავად, შიშის გამო, არაფრის დიდებით არ სხდებდნენ ნავში. კაპიტანმა მიბრძანა, პირველი ჩავმჯდარიყავი ნავში, რათა მანდილოსნებისთვის მაგალითი მიმეცა".
გადარჩენილი მგზავრები გემმა "კარპატიამ" აიყვანა. ვაიოლეტ ჯესოპი მშვიდობით დაბრუნდა ხმელეთზე. როგორ გგონიათ, ორი კატასტროფის შემდეგ ადამიანი კიდევ აადგამს ფეხს გემზე? რა თქმა უნდა, არა, მაგრამ ვაიოლეტი სხვანაირად ფიქრობდა.
1916 წლის 21 ნოემბერს "ბრიტანიკი" ეგეოსის ზღვაში გერმანელების მინაზე აფეთქდა. გემმა სწრაფად დაიწყო ჩაძირვა. მგზარებმა ნავებში ჩასხდომაც კი ვერ მოასწრეს. თავად ვაიოლეტი გემის ბორტიდან ღია ზღვაში გადახტა და სასწაულად გადაურჩა სიკვდილს. "წლების შემდეგ ექიმთან მივედი, რადგან საშინელი თავის ტკივილები მაწუხებდა. ექიმმა მითხრა, რომ თავის ქალა გატეხილი მქონია. სავარაუდოდ, მაშინ დავიზიანე, როცა გემიდან გადმოვხტი".
ქალი ხუმრობითაც ამბობდა, რომ სქელმა თმამ გადაარჩინა, რომ საერთოდ არ ჩაემსხვრა ქალა. იმასაც ამბობდა, რომ "ტიტანიკზე" საყვარელი კბილის ჯაგრისი დარჩა. ამასაც ხუმრობით, რა თქმა უნდა.
ომის დასრულების შემდეგ გემები აუცილებელი სატრანსპორტო საშუალება გახდა. და ვაიოლეტ ჯესოპი ისევ ავიდა გემზე. თუმცა, ამჯერად ძველი კომპანია მიატოვა და Red Star Line-ის თანამშრომელი გახდა. მრავალი წელი მშვიდობიანად აგრძელებდა მუშაობას კრუიზებში, მისი არც ერთი გემი არ ჩაძირულა. 61 წლის გავიდა პენსიაზე და მხოლოდ მაშინ ჩამოვიდა გემიდან. ხმელეთზე დაბრუნებულმა ბაღი გააშენა და სიცოცხლის ბოლომდე მას უვლიდა.
იგი 1971 წლის 5 მაისს გარდაიცვალა, 84 წლის ასაკში.
marao.ge
ado.slave('adoceanadvertlinegeqkpsposojg', {myMaster: 'PgucTgaQ7SKnYhRaD7PFweZcfc7lvwen1L7Fg.GU8Qv.67' });
ado.slave('adoceanadvertlinegeqadeglrtrw', {myMaster: 'PgucTgaQ7SKnYhRaD7PFweZcfc7lvwen1L7Fg.GU8Qv.67' });
ado.slave('adoceanadvertlinegeqlloqjqltu', {myMaster: 'PgucTgaQ7SKnYhRaD7PFweZcfc7lvwen1L7Fg.GU8Qv.67' });
Hotsale.ge ქართულ ბაზარზე 2011 წელს გამოჩნდა და სწორი მენეჯმენტისა და მომხმარებლებისთვის შეთავაზებული მაღალი ხარისხით მოპოვებული ნდობის გამო დღემდე ელექტრონულ კომერციაში ლიდერ კომპანიას წარმოადგენს.
hotsale.ge-ს საიტზე 300,000-ზე მეტი მომხმარებელია რეგისტრირებული, პარტნიორი კომპანიების რიცხვმა კი ათას ხუთასს გადააჭარბა - კომპანიები მომხმარებლებს მათ პროდუქციაზე 20-დან 90%-მდე ფასდაკლებას სთავაზობენ. სულ ცოტა ხნის წინ, hotsale.ge-მ ვებ-გვერდი განაახლა, რომლის დეტალებზეც მარკეტინგის მენეჯერი, მურთაზ ფუტკარაძე გვესაუბრება:
- ვებ-გვერდის განახლების მთავარი მიზანი მომხმარებლებისათვის კიდევ უფრო მაღალი ხარისხის, მარტივი და კომფორტული მომსახურის შეთავაზება იყო. ვფიქრობ, ახალი დიზაინი უფრო მეტ კომფორტს შეუქმნის მომხმარებელს სასურველი მომსახურების მისაღებად.
- საინტერესოა, კონკრეტულად რა სიახლეებით გამოირჩევა ახალი საიტი ძველისგან?
- როგორც უკვე აღვნიშნე, მომხმარებლებისათვის უფრო მარტივი გახდა სასურველი შეთავაზებების პოვნა, მითუმეტეს როდესაც ჰოთსეილზე ყოველდღიურად 1000-ზე მეტი შეთავაზებაა განთავსებული. ამასთან, გაცილებით სწრაფი გახდა მომხმარებლისთვის მომსახურების შეძენის პროცესიც. განახლებული საიტი საშუალებას გვაძლევს მომხმარებლებს მათზე მაქსიმალურად მორგებული სერვისი შევთავაზოთ.
- ვინ იმუშავა საიტის განახლებაზე?
- ჰოთსეილისთვის მთავარ ფაქტორს ყოველთვის იყო და რჩება მომსახურების მაღალი ხარისხის შეთავაზება მომხმარებლებისთვის, შესაბამისად, საიტზე საქართველოს ერთ-ერთი საუკეთესო დეველოპმენტ გუნდი - Leavingstone მუშაობდა, რომელთაც მსგავსი მასშტაბის პროექტების წარმოების დიდი და წარმატებული გამოცდილება გააჩნიათ. გარდა განახლებული დიზაინისა, მომხმარებლებს ახალი შეთავაზებებიც ელოდებათ ვებ-გვერდზე, კერძოდ, საიტზე მანამდეც შესაძლებელი იყო საკვების მიტანის სერვისით სარგებლობა, თუმცა განახლებულ ვებ-გვერდზე ამ მიმართულებით მომსახურება კიდევ უფრო გავაუმჯობესეთ - შეკვეთის მიღება ახლა უფრო მარტივია და სწრაფად ხორციელდება - ამჯერად უკვე ჰოთსეილიდან შეძლებთ საუკეთესო რესტორნებიდან შეუკვეთოთ სასურველი კერძები და სახლში მიტანის სერვისით ისარგებლოთ.
- გარდა ვებ-გვერდის განახლებისა, კიდევ რა სიახლეებს შესთავაზებთ მომხმარებლებს?
- ჰოთსეილისთვის აქტიური პერიოდი იწყება - მომხმარებლებს მეტი ექსკლუზიური შეთავაზება, სასიამოვნო აქტივობები და გათამაშებები ელოდებათ. ახალი წლისთვის განსაკუთრებით ვემზადებით - გრანდიოზულ სიახლეს საზოგადოებას მოგვიანებით მივაწვდით.
მკითხველის კომენტარები
(0)