21 დეკემბერს საქართველოს ცალკეულ რაიონებში იწვიმებს, მაღალ მთაში მოთოვს, ჰაერის მაქსიმალური ტემპერატურა საქართველოში 9-14 გრადუსი იქნება, - ამის შესახებ Allnews.ge-ს გარემოს ეროვნული სააგენტოს მოკლევადიანი პროგნოზების სამმართველოს უფროსმა, დოდო გვაზავამ განუცხადა.

მისი თქმით, 21 დეკემბერს მთიან რაიონებშიც შედარებით თბილი ტემპერატურა, 5-10 გრადუსი სითბო ნარჩუნდება, მაგრამ მაგრამ ჩრდილო მაღალმთიანეთში გუდაური-სტეფანწმინდის მიდამოებში შესაძლებელია -4 გრადუსიც დაფიქსირდეს.

"22 დეკემბერს დღის მეორე ნახევრიდან 25 დეკემბრის ღამის საათების ჩათვლით, საქართველოს უმეტეს რაიონში მოსალოდნელია ნალექი, მთაში და მაღალ მთაში თოვლის სახით. ჰაერის ტემპერატურა დაბლობ რაიონებში 1-5 გრადუსით დაკლებს, მოვა თოვლი, ტემპერატურა შემცირდება მთიან და მაღალმთიან რაიონებში.

25 დეკემბრის დღის მეორე ნახევარში თბილისში მოსალოდნელია მცირე წვიმა. იწვიმებს 23 დეკემბერსაც, 25 დეკემბერს შედარებით გამოიდარებს და დროგამოშვებით იქროლებს დასავლეთის ძლიერი ქარი. ჰაერის მაქსიმალური ტემპერატურა მოსალოდნელია 22 დეკემბრიდან 25 დეკემბრის ჩათვლით თბილისში მაქსიმალური ტემპერატურა შეიძლება იყოს 5-7 გრადუსი ღამით კი 1-3 გრადუსი," - განმარტავს დოდო გვაზავა.

მისივე პროგნოზით 26 დეკემბრიდან შედარებით გამოიდარებს და ნალექი შეწყდება.