ბავშვებისთვის საახალწლო განწყობის შესაქმნელად ერთ-ერთი საუკეთესო საშუალება დღესასწაულის მთავარი გმირების გამოძახებაა, ყველაზე მოთხოვნადი კი, როგორც წესი, თოვლის ბაბუაა.

რაც შეეხება თოვლის ბაბუის გამოძახების ფასებს, იგი ძირითადად, გასართობი პროგრამის ხანგრძლივობით განისაზღვრება, თუმცა, ამჟამად ინტერნეტ-სივრცეში არსებული განცხადებების მიხედვით, სანტას საშუალოდ, 50 ლარად გამოიძახებთ, თუმცა ხშირად შეგხვდებათ როგორც 40, ისე 60, 70 და 100 ლარის ღირებულების სერვისები.

სანტა კლაუსმა მსოფლიოს გარშემო მოგზაურობა დაიწყო - ადევნეთ თვალი რეალურ დროში მის გადაადგილებას

თოვლის ბაბუების გასართობი პროგრამები საშუალოდ 20 წუთიდან იწყება და თქვენი სურვილის მიხედვით, მისი გახანგრძლივება შესაძლებელია, ამ შემთხვევაში კი პროგრამის ფასი იზრდება. ფასები იმატებს დროის მონაკვეთების მიხედვითაც, მაგალითად, თუ ახალი წლის წინა დღეებში სანტას პროგრამის ფასი 50 ლარია, ახალი წლის ღამეს ამავე პროგრამის ღირებულება შეიძლება, 80-100 ლარიც ღირდეს.

საახალწლოდ ან საშობაოდ თოვლის ბაბუის პროგრამას არამხოლოდ კონკრეტული ანიმატორები, არამედ კომპანიებიც გვთავაზობენ. მათი პროგრამის ხელმისაწვდომ ფასებში შეძენა, რომელიც ხშირ შემთხვევაში საკმაოდ ძვირად ღირებულია, სხვადასხვა ფასდაკლების ვებგვერდის მეშვეობითაც შეგვიძლია, თუმცა აღნიშნული ფასდაკლების კუპონების რაოდენობა შეზღუდულია და უმჯობესია, იჩქაროთ.

მაგალითად, ფასდაკლების საიტ Hotsale.ge-ზე 49 ლარიდან 60 ლარამდე მერყეობს, როცა აღნიშნული პროგრამების ღირებულება ფასდაკლებამდე დაახლოებით 100-120 ლარი იყო.

ყველასთვის საყვარელი და განსაკუთრებული დღესასწაული ახლოვდება, ამიტომ თუ თქვენს პატარას თოვლის ბაბუის ჯერ კიდევ სჯერა და მისგან საჩუქარს განსაკუთრებულად ელოდება, მისთვის ეს საუკეთესო სიურპრიზი იქნება.