საქართველოში კვირის ბოლომდე არამდგრადი ამინდი შენარჩუნდება. როგორც გარემოს დაცვის სამინისტროს ჰიდრომეტეოროლოგიურ ცენტრში განაცხადეს, დღეს საქართველოს ცალკეულ რაიონებში მცირე წვიმაა მოსალოდნელი, აღმოსავლეთ საქართველოში - ნისლიც. დღის პირველ ნახევარში დასავლეთ საქართველოში, ზემო იმერეთსა და კოლხეთის დაბლობზე იქროლებს აღმოსავლეთის ძლიერი ქარი 17-22 მეტრ წამამდე.

ჰაერის ტემპერატურა დასავლეთ საქართველოს დაბლობში მოსალოდნელია +17-22 გრადუსი, მთიან რაიონებში +11-16, ხოლო მაღალმთაში +7-12 გრადუსი.

რაც შეეხება აღმოსავლეთ საქართველოს, მოსალოდნელია ტემპერატურის მომატება +9-14 გრადუსამდე, ასევე მთაში მოსალოდნელია +9-14 გრადუსი სითბო, ხოლო მაღალმთაში ჰაერის ტემპერატურა +2-7 გრადსამდე მოიმატებს. დედაქალაქში დილის საათებში მოსალოდნელია ღრუბლიანი ამინდი, მცირე წვიმა და ნისლი, ჰაერის ტემპერატურა +12-13 გრადუსია მოსალოდნელი.

8 და 9 მარტს, საქართველოს უმეტეს რაიონში მოსალოდნელია ნალექი, მაღალმთიან რაიონებში - თოვლი. ზოგან იქროლებს დასავლეთის ძლიერი ქარი და ტემპერატურა მკვეთრად დაიკლებს. დასავლეთ საქართველოში ტემპერატურის ვარდნა მოსალოდნელია +12 გრადუსამდე.

აღმოსავლეთ საქართველოს დასავლეთ რაიონებში (შიდა ქართლი) +8-10 გრადუსი, ხოლო კახეთში მოსალოდნელია +11-13 გრადუსი. დედაქალაქში მოსალოდნელია წვიმა. 9 მარტს დღისით გაძლიერდება დასავლეთის მიმართულებით ქარი, დღის ბოლოს შესაძლებელია მისი გაძლიერება. არამდგრადი ამინდი შესუსტებული სახით 10 მარტსაც ნარჩუნდება.