როგორია ელონ მასკის CV და რატომ უნდა იყოს თქვენი რეზიუმე ერთგვერდიანი? | Allnews.Ge

წარმოიდგინეთ, რომ მსოფლიოში ერთ-ერთი ყველაზე გავლენიანი და ცნობილი გამომგონებელი და მეწარმე, ელონ მასკი ხართ და თქვენი კარიერა უამრავ წარმატებულ სტარტაპს ითვლის.

წარმოიდგინეთ, რომ ელექტრომობილებს ქმნით და აწარმოებთ, მსოფლიოს wifi-ით მომარაგებას, მზის სინათლისგან მიღებული ელექტროენერგიით მოსახლეობის უზრუნველყოფას აპირებთ და კოსმოსში უკვე გაგზავნეთ ერთ-ერთი ყველაზე დიდი ზომის რაკეტა და თქვენივე შექმნილი კაბრიოლეტი.

თქვენ ალბათ ფიქრობთ, რომ ელონ მასკს ყველა თავისი უნარის, გამოცდილებისა და მიღწევების რეზიუმეში ჩასაწერად რამდენიმე ფურცელი დასჭირდებოდა.

თუმცა, ონლაინ რეზიუმეს ერთ-ერთი ვერსიის შემქნელი ფირმის Novorésumé-ს ექსპერტები ამბობენ, რომ ეს ასე არ არის. მათ ელონ მასკის მაგალითზე ერთ გვერდიანი რეზიუმე შექმნეს და ზოგადად მომხრეები არიან, რომ რეზიუმე რაც შეიძლება მოკლე, თუმცა, ამავდროულად, ინფორმაციული იყოს.

ექსპერტების მიერ შექმნილი ეს რეზიუმე ამტკიცებს, რომ სწორი დიზაინის შექმნის შემთხვევაში, რეზიუმეს შედგენისას არასდროს დაგჭირდებათ ერთ გვერდზე მეტი, მაშინაც კი, როდესაც ელონ მასკი ხართ და სათქმელი დიახაც რომ ბევრი გაქვთ.

რა არის აუცილებელი რეზიუმეს შევსებისთვის?

რეზიუმეს შევსებესის ფოტო აუცილებელია, თანაც თქვენს CV-ის უფრო დამაჯერებელ იერს აძლევს. მის ერთ მხარეს სავსებით შესაძლებელია მოკლე აღწერილობის დაწერა თქვენი პიროვნებისა და მიზნების შესახებ. მეორე მხარეს კი თქვენი საკონტაქტო ინფორმაცია უნდა მიუთითოთ - ტელეფონის ნომერი, ელექტრონული ფოსტა, ფაქსი, მისამართი.

რეზიუმეს ერთ-ერთი ყველაზე მნიშვნელოვანი ნაწილი თქვენი სამუშაო გამოცდილება და მიღებული განათლებაა. სხვადასხვა კომპანიაში დაკავებულ თანამდებობს შეგიძლიათ, მცირე აღწერაც დაუმატოთ იმის განსამარტად, თუ კონკრეტულად რა სფეროებთან შეხება გიწევდათ სხვადასხვა სამუშაოს შესრულების დროს. მაგალითად, მასკის რეზიუმეში განათლება სულ ორი წინადადებითაა აღწერილი: მას პენსილვანიის უნივერსიტეტში დამთავრებული აქვს საბაკალავრო პროგრამა "მეცნიერება ეკონომიკაში". კიდევ ერთი საბაკალავრო პროგრამა "მეცნიერება ფიზიკაში" მან პენსილვანიის ხელოვნებისა და მეცნიერების კოლეჯში დაასრულა.

ამ ყველაფრის შემდეგ, ერთგვერდიან რეზიუმეში იმის ადგილიც დარჩა, რომ მასკის მიღწევები და სერთიფიკატები, ენების კომპეტენცია და ინტერესებიც დაეტიოს, რომელიც მასკის შემქმნელება თითო სიტყვაში გამოხატეს. მაგალითად, მასკის ინტერესებია: ფიზიკა, ენერგიის ალტერნატიული წყაროები, ფილანთროპია, კითხვა, ვიდეოთამაშები, კოსმოსი.

ერთი გვერდი სრულად შეივსო, თუმცა, მან მასკის შესახებ არსებული ყველანაირი ინფორმაცია დაიტია, რაც პოტენციური დამსაქმებლისთვის შეიძლება, საინტერესო აღმოჩნდეს.