"ნუ ცდილობენ მთავრობა და სუს-ი, რომ ეს ტრაგედია პოლიტიკოსებთან გააიგივონ. ნუ მესმის რეპლიკები, რომ პოლიტიკა დგას ჩემ უკან," - ამის შესახებ ზაზა სარალიძემ პარლამენტის წინ გამართულ საპროტესტო აქციაზე განაცხადა. როგორც სარალიძემ აღნიშნა, ხორავას ქუჩის საქმის გამოძიების შსს-თვის გადაცემით, სისტემა მის მოტყუებას ცდილობს.

"მე ინფორმაცია მაქვს, რომ თბილისის სხვადასხვა ქუჩაში აქციებია დაგეგმილი და ისინი ჩვენთან არ მოდიან იმის გამო, რომ თითქოს, აქ ვიღაც პოლიტიკოსები არიან. მე ჩემი შვილის სულს არასდროს არავის არ მივყიდი. ჩემი შვილის სული არ იყიდება ხალხო. ნუ ცდილობენ მთავრობა და სუს-ი, რომ ეს ტრაგედია პოლიტიკოსებთან გააიგივონ. ნუ მესმის მე რეპლიკები, რომ პოლიტიკა დგას ჩემ უკან. არასდროს არ იქნება ჩემ უკან პოლიტიკა.

ისევ ცდილობს სისტემა, რომ მომატყუოს თითქოს გამოსაძიებლად გახარიასთან წავა საქმე. გახარიას 2 თვის წინ ვემუდარებოდი შემხვდი-მეთქი. დღესაც არ მაქვს მისგან გამოხმაურება. ჩვენი შვილების მკვლელების სისტემა უნდა დაინგრეს," - განაცხადა სარალიძემ.