ჭუბერში გუშინ მოსულმა უხვმა ნალექმა კვლავ პრობლემები შექმნა. ამ დროის მონაცემებით, ჭუბერში, შემოვლითი გზა, რომლითაც მოქალაქეები მდინარის ერთი ნაპირიდან მეორეზე გადადიოდნენ, ჩამოიშალა.

მდინარის წყლის დონის მომატებამ, რამდენიმე მონაკვეთის, მათ შორის, გზის საავტომობილო მონაკვეთების ჩამოშლა გამოიწვია. ამ დროისთვის კიდევ ერთ საცხოვრებელ სახლს ემუქრება ჩამონგრევის საფრთხე. თუმცა სამაშველო სამსახურები აქტიურად მუშაობენ, რომ აღნიშნულ საცხოვრებელ სახლში წყალმა შეღწევა ვერ შეძლოს.

მოსახლეობის უმეტესობა, რომელიც საშიშ ზონაში ცხოვრობს, ევაკუირებულია. მათი დიდი ნაწილი ღამეებს ახლობლებთან ათენებს.