![[VIDEO] ხვიჩა კვარაცხელიამ „ვილეარეალს“ გაუტანა, თუმცა „ნაპოლი“ ესპანელებთან მაინც დამარცხდა](/media/_rss/2/dcea988e0b22ab88ff1024750d8820e1.jpg "[VIDEO] ხვიჩა კვარაცხელიამ „ვილეარეალს“ გაუტანა, თუმცა „ნაპოლი“ ესპანელებთან მაინც დამარცხდა")
![[ძიუდო. ევროპის საკლუბო ჩემპიონატი] ვარსკვლავცვენა გორში! რინერი ჩამოვიდა, საქართველო სამი გუნდით!..](/media/_rss/2/40f8840b8f6e617831bad0db8cb7eb96.jpg "[ძიუდო. ევროპის საკლუბო ჩემპიონატი] ვარსკვლავცვენა გორში! რინერი ჩამოვიდა, საქართველო სამი გუნდით!..")
![[VIDEO] გაგანია მუნდიალის დროს ასეთებიც ხდება: კაშიას გოლი, კანკავას საგოლე პასი!](/media/_rss/2/1b47259f5fdd98385f189464359d76be.jpg "[VIDEO] გაგანია მუნდიალის დროს ასეთებიც ხდება: კაშიას გოლი, კანკავას საგოლე პასი!")
![[განახლებული] ვილი სანიოლი: "დაცვის პრობლემა? ვერ დავეთანხმები თქვენს შეფასებას, თუ გოლი გადის, ეს მხოლოდ დაცვის ბრალი არ არის"...](/media/_rss/2/fd55d934edbdcac212988fd05c1ebdbb.jpg "[განახლებული] ვილი სანიოლი: \"დაცვის პრობლემა? ვერ დავეთანხმები თქვენს შეფასებას, თუ გოლი გადის, ეს მხოლოდ დაცვის ბრალი არ არის\"...")
დააკავეს 3 პირი, რომლებიც მართვის მოწმობის თეორიული გამოცდის ჩაბარებაში მოქალაქეებს არაკანონიერ დახმარებას უწევდნენ
სახელმწიფო უსაფრთხოების სამსახურის გენერალურმა ინსპექციამ კომპიუტერულ სისტემაში უნებართვო შეღწევის ფაქტზე სამი პირი დააკავა, - ამის შესახებ უსაფრთხოების სამსახურის განცხადებაშია ნათქვამი, რომელსაც უცვლელად გთავაზობთ:
"სახელმწიფო უსაფრთხოების სამსახურის გენერალური ინსპექციის თანამშრომლებმა, შინაგან საქმეთა სამინისტროს გენერალური ინსპექციის თანამშრომლებთან ერთობლივად ჩატარებული ოპერატიულ-სამძებრო და საგამოძიებო მოქმედებების შედეგად, წინასწარი შეთანხმებით, ჯგუფის მიერ კომპიუტერულ სისტემაში უნებართვო შეღწევის ფაქტზე საქართველოს მოქალაქეები: შალვა კ, კახა ზ. და ზაქარია გ. დააკავეს.
გამოძიებამ დაადგინა, რომ შალვა კ, კახა ზ. და ზაქარია გ. წინასწარი შეთანხმებით, კომპიუტერულ სისტემაში უნებართვო შეღწევის გზით მართვის მოწმობის თეორიული გამოცდის ჩაბარებაში მოქალაქეებს არაკანონიერ დახმარებას უწევდნენ. კერძოდ, დაკავებულები შინაგან საქმეთა სამინისტროს მომსახურების სააგენტოში გამოცდაზე გამსვლელ პირებს გადასცემდნენ სპეციალურ ტექნიკურ აღჭურვილობას: მიკროკამერას და მიკროყურსასმენს, რის შემდეგაც საგამოცდო ცენტრის მიმდებარე ტერიტორიაზე, პორტატული კომპიუტერის მეშვეობით ვიდეო და ხმოვან სიგნალს იღებდნენ. აღნიშნული გზით ბრალდებულები ვიზუალურად ხედავდნენ საგამოცდო ბილეთებს და მოსასმენი აპარატურის მეშვეობით მართვის მოწმობის აღების მსურველ მოქალაქეებს პასუხების სწორ ვარიანტებს უკარნახებდნენ. არაკანონიერი დახმარების სანაცვლოდ აღნიშნული პირები მოქალაქეებისგან სხვადასხვა ოდენობით ფულად თანხებს იღებდნენ. გამოძიების მიერ ნივთმტკიცების სახით ამოღებულია 800 აშშ დოლარი და 1976 ლარი.
გამოძიება წინასწარი შეთანხმებით ჯგუფის მიერ კომპიუტერულ სისტემაში უნებართვო შეღწევის ფაქტზე მიმდინარეობს (საქართველოს სსკ-ის 284-ე მუხლის მე-2 ნაწილის „ა“ ქვეპუნქტით, რაც სასჯელის სახით ითვალისწინებს თავისუფლების აღკვეთას 2-დან 5 წლამდე ვადით).
გამოძიებას აწარმოებს სახელმწიფო უსაფრთხოების სამსახურის გენერალური ინსპექცია", - ნათქვამია სუს-ის განცხადებაში.
მკითხველის კომენტარები
(0)