ათუმის მე-15 საჯარო სკოლაში მე-2 კლასის მოსწავლეზე ფიზიკური ძალადობის ფაქტი დაფიქსირდა. არსებული ინფორმაციით, ერთ-ერთი მოსწავლის მშობელმა შვილის პარალელურ კლასელს სცემა.

როგორც აღნიშნული სკოლის დირექტორი ნინო მოდებაძე აცხადებს, შემთხვევა 28 მარტს მოხდა, ფაქტის შესახებ კი, ბავშვის მშობელსა და უბნის ინსპექტორს შეატყობინეს. მისივე თქმით, არასრულწლოვანის ცემას წინ თანატოლებს შორის კონფლიქტი უძღოდა.

"28 მარტს ერთ-ერთი მშობლის მიერ დაფიქსირდა არასწორი ქმედება და სკოლის ადმინისტრაციამ შესაბამისი ზომები მიიღო. ამჟამად სწავლა მშვიდ გარემოში მიმდინარეობს. როგორც მშობელი თავად ამბობს, ერთხელ დაარტყა ბავშვს. ეს მოხდა მას შემდეგ, რაც ბავშვებს შორის კონფლიქტი მოხდა" , - განაცხადა ნინო მოდებაძემ.

მომდართან დაკავშირებით, საქართველოს შინაგან საქმეთა სამინისტრომ გამოძიება "სისხლის სამართლის კოდექსის" 126 -ე მუხლით დაიწყო, რაც წინასწარი შეცნობით არასრულწლოვანის მიმართ ძალადობას გულისხმობს.

მომხდარის შესწავლას გეგმავს სახალხო დამცველის აპარატის წარმომადგენელი.