რატომ დატოვა ვახო ბიჭიკაშვილმა საქართველო და რას საქმიანობს ის ამერიკაში?
კომედი შოუს ერთერთი პოპულარული მსახიობი ბოლო ხანს ტელე ეკრანიდან გაქრა. მის შესახებ ცნობები მედიაში ჯერ არ გამოქვეყნებულა. იუმორისტი, ვახო ბიჭიკაშვილი რამდენიმე თვეა უკვე აშშ-ში ცხოვრობს და მუშაობს. ბიჭიკაშვილი ჟურნალ “გზასთან” განმარტავს, თუ რატომ მიიღო ქვეყნიდან წასვლის გადაწყვეტილება.
"2023 წლიდან ამერიკაში ვიმყოფები. ეს გადაწყვეტილება ჩემი საქმიდან გამომდინარე მივიღე. ერთდროულად ვმუშაობ ერთ-ერთ კომპანიაში პიარისა და მარკეტინგის მიმართულებით და ქართველ დიასპორასთან, რომელიც იზრდება და იზრდება. მათთვის პერიოდულად ტარდება ქართული კულტურული ღონისძიებები და ამ ადამიანების გვერდით ვარ. „კომედი ჯგუფთან“ თანამშრომლობა არ გამიწყვეტია. არაჩვეულებრივი ადამიანები არიან, ჩვენ ერთი სისხლი და ორგანიზმი ვართ. სანამ ჩემი ცხოვრება უკავშირდება ტელევიზიას, ყოველთვის ამ ჯგუფთან ვიქნები". - აღნიშნავს მსახიობი.
"რუსთავი 2"-ის დატოვების შემდეგ ვახო ბიჭიკაშვილი ნიკა არაბიძესთან ერთად ტელეკომპანია ფორმულაზე გადავიდა. ის ახლა ამერიკის შეერთებულ შტატებში იმყოფება და იუთუბ არხის განვითარებას ცდილობს., ახლახან მან საზოგადოებას გეგმების შესახებ აცნობა:
"ძალიან მალე პროექტი "შორიდან შოუ" ბრუნდება, ყველაზე მონატრებული მაყურებლისთვის, ბრუნდება უფრო ხმამაღალი ნათქვამია ვიდრე თავიდან იწყება, ჩავწერეთ ერთი გადაცემა მაგრამ მალევე გავჩერდით, ის არხი სამწუხაროდ გაჩერდა. ახლიდან ვიწყებთ ყველაფერს და თქვენი გვერდით დგომა გვჭირდება, გამოიწერეთ ამერიკაში შექმნილი პირველი ქართული შემეცნებით გასართობი GEOproduction -ის იუთუბ არხი, რომლის გვერდითაც დგას GA Logistics LLC Geo Amanati Elt Building თანმშრომლობას და მეგობრობას განვიხილავთ სხვა კომპანიებთან, როგორც საქართველოდან ისე ადგილობრივ ბიზნესებთან სურვილი თქვენია, ძალით არაფერი არ ვარგა.
თქვენი სურვილის შემთხვევაში შეგიძლიათ პირად შეტყობინებაში მომწეროთ, ან ტელეფონის ნომერზე დამირეკოთ, პირდად გეწვევით ადგილზე მეტი ინფორმაციის მოსაწოდებლად, საქართველოში ჩასვლა ცოტა გამიჭირდება მაგრამ სხვა საკომუნიკაციო საშუალებებით შევძლებთ ერთამნეთთან საერთო ენის გამონახვას, მოკლედ ამ ამბავში, მადლობა წინასწარ ასევე მადლობა Irinas Dance Academy-ის გვერდით დგომისთვის და Michael Misho Gogidze - ს და მის პროდაქშენს! ჩვენ მალე დავბრუნდებით! ძალიან ბევრი ძალისხმევაა იმისთვის საჭირო რომ ეს საქმე აკეთო ემიგრაციაში, მადლობა და დიდი სიყვარული პირადად ჩემგან, პატივსცემით და დიდი მონატრებით შორიდან მაგრამ თქვენს გულთან ახლოს, თქვენი ვახო ბიჭიკაშვილი!"- წერს ის.