აშშ-ში ექვსფეხა ლეკვი დაიბადა - იხილეთ ფოტოები
აშშ-ში, ოკლაჰომაში ექვსფეხა ლეკვი დაიბადა. ვეტერინარებმა მას სკიპერი დაარქვეს და ამბობენ, რომ როგორც სხვა ახალდაბადებულ ლეკვებს, მასაც უყვარს ჭამა და წყლის დალევა. ექიმები ლეკვს "ნამდვილ სასწაულს“ უწოდებენ.
"თავიდან გვეგონა, რომ დიდხანს ვერ იცოცხლებდა, მაგრამ ის ჯანმრთელი და ჯანსაღია, უბრალოდ ცოტა განსხვავებულად გამოიყურება, რადგანაც 6 ფეხი აქვს“ - ამბობს ვეტერინარი.
CNN-ის ცნობით, სკიპერი 16 თებერვალს ბუნებრივი გზით, თავის დებთან და ძმებთან ერთად დაიბადა. ამ დროისთვის ლეკვი ვეტერინარების მეთვალყურეობის ქვეშაა.
"ის ძლიერი გოგოა და უყვარს, როცა მასზე ზრუნავენ. შესაძლოა, რამდენიმე ოპერაცია ჩავუტაროთ, მაგრამ ჯერ გადაწყვეტილი არაფერი გვაქვს. ვაგრძელებთ მასზე მონიტორინგს და ისე მოვიქცევით, რომ სრულფასოვნად ცხოვრება შეძლოს“, - ამბობს ლეკვზე მზრუნველი ექიმი.
ჯერჯერობით ცნობილი არ არის, შეძლებს თუ არა ის სიარულს შესაბამისი თერაპიის, ან ქირურგიული ჩარევის გარეშე. სკიპერი აფთრისებრთა ძაღლის ჯიშს მიეკუთვნება.
